ટેકનોલોજી / સ્માર્ટ ફોનથી સ્માર્ટ હોમ: વીતેલા દાયકામાં ટેક્નોલોજીએ નવી ક્રાંતિનો નાખ્યો પાયો

• સોશિયલ નેટવર્ક
•  ટેક્નોલોજીમાં થયેલી ક્રાંતિ
• સ્માર્ટ ફોનથી સ્માર્ટ હોમ

સ્ટીમ એન્જિનની શોધથી ઔદ્યોગિક ક્રાંતિ થઇ, જે લગભગ ર૦૦ વર્ષ ચાલી. વીજળીની શોધે ઔદ્યોગિક ક્રાંતિને નવી દિશા આપી, જેનો દબદબો પણ એક સદી કરતાં વધારે ચાલ્યો. ઇન્ટરનેટે ર૦મી સદીમાં કમ્પ્યૂટર ક્રાંતિ માટે માર્ગ બનાવ્યો, જોકે છેલ્લા દાયકાની ડિજિટલ ક્રાંતિએ દુનિયાને રીતસર બદલી નાખી છે. ટેકનોલોજી બહુ ઝડપથી આગળ વધી રહી છે. ગત દાયકામાં અને તેનાં છેલ્લાં વર્ષોમાં જે બાબતે દુનિયા બદલાઇ તેની ઝલક અહીં આપી છે.
 

સ્માર્ટ ફોન

 ફીચર ફોનથી શરૂ થયેલી મોબાઇલની સફર અત્યારે અનેક ટેક્નોલોજીથી સજજ સ્માર્ટ ફોન સુધી પહોંચી છે. સ્માર્ટ ફોન દિવસે દિવસે વધુ ને વધુ સ્માર્ટ બની રહ્યા છે.
3જીથી 5જી: દુનિયા 3જી, 4જી પછી 5જી ડેટા નેટવર્કમાં પ્રવેશી છે. ઇન્ટરનેટની સ્પીડ અને  ડેટા વપરાશ ખૂબ જ ઝડપથી વધી ગયો છે. ભારતમાં 5જી હજુ આવી રહ્યું છે. તેના આગમન પછી ટેક્નોલોજીની દુનિયામાં એક નવા પ્રકારની ક્રાંતિ શરૂ થશે.

સ્માર્ટ વોચ 

છેલ્લા એક દાયકામાં લોકોની જીવનશૈલી ઘણી બદલાઈ ગઈ છે. હાર્ટબિટ પર નજર રાખતી સ્માર્ટ વોચનો ઉપયોગ વધી રહ્યો છે. સેમસંગ અને એપલ જેવી કંપનીઓએ સ્માર્ટ વોચ બનાવ્યા બાદ તેની ડિમાન્ડ દિવસે દિવસે વધી રહી છે.

ડિજિટલ હોમ 

અમેરિકા જેવા દેશોમાં ઘર હવે સ્માર્ટ અને ડિજિટલ બની રહ્યાં છે. સ્માર્ટ લાઇટ, સ્માર્ટ સ્પીકર સહિતના ડિવાઇસનો ઉપયોગ દિવસે દિવસે વધી રહ્યો છે. 

ડ્રાઇવરલેસ કાર

 આ દાયકામાં ડ્રાઇવરલેસ કાર (સેલ્ફ ડ્રાઇવિંગ કાર) હકીકત બની છે. ટેસ્લા જેવી કંપનીઓની આ કારની માગ વધી રહી છે. ગૂગલ મેપ્સ અને આર્ટિફિશિયલ ઇન્ટેલિજન્સનો ઉપયોગ કરીને આ કાર સચોટ રીતે ચાલી શકે છે. આગામી ત્રણ-ચાર વર્ષમાં હો‌િલવૂડની સાયન્સ ફિક્શન ફિલ્મમાં દેખાયેલી એરટેક્સી પણ વાસ્તવિકતામાં ફેરવાશે.
ઓનલાઇન ખરીદી: છેલ્લા દાયકામાં ઓનલાઇન ખરીદી ખૂબ ઝડપથી વધી છે. ભારતમાં લોકોએ કરિયાણા, ખર્ચાળ ઇલેક્ટ્રોનિક ચીજવસ્તુઓ અને ઘરવખરી તથા સોનું ઓનલાઈન ખરીદવાનું શરૂ કર્યું છે. 

આર્ટિફિશિયલ ઇન્ટેલિજન્સ

 ગૂગલ, માઇક્રોસોફટ, એપલ સહિતની ટોચની કંપનીઓ આર્ટિફિશિયલ ઇન્ટેલિજન્સ (એઆઈ) આધારિત ઓપરેટિંગ સિસ્ટમ અને ડિવાઇસ બનાવી રહી છે. આગામી દિવસોમાં લગભગ તમામ ડિવાઇસ તેનાથી સજ્જ હશે.

સોશિયલ નેટવર્ક

 'વી સોશિયલ'ના એક રિપોર્ટ અનુસાર સોશિયલ મીડિયા યુઝર્સની સંખ્યા વિશ્વભરમાં દર વર્ષે ૧૩ ટકાના દરે વધી રહી છે. ભારતમાં આ દર ૩૧ ટકા છે. સોશિયલ મી‌િડયાની ઇમ્પેક્ટ ભવિષ્યમાં હજુ વધતી જશે.  

સ્માર્ટ ટીવી અને વેબ સિરીઝ

 છેલ્લા એક દાયકામાં ટીવીનો ઉપયોગ પણ સંપૂર્ણપણે બદલાઈ ગયો છે. એલસીડી, એલઇડી ટીવીએ સ્માર્ટ ટીવીની જેમ કામ કરવાનું શરૂ કર્યું છે. એમેઝોન પ્રાઈમ, નેટફ્લિક્સ અને હોટસ્ટાર ટીવી જેવાં વેબ ટીવી અને વેબ સિરીઝનો જમાનો શરૂ થયો છે.

મેગા સ્ટોરેજ

  છેલ્લા દાયકામાં ક્લાઉડ સ્ટોરેજ ખૂબ સામાન્ય બની ગયું છે. ગૂગલ ડ્રાઇવ, ડ્રોપબોક્સ, ગૂગલ ફોટા દરેક સ્માર્ટ ફોનમાં સામાન્ય છે. ઘણી કંપનીઓ ક્લાઉડ કમ્પ્યૂટિંગનો ઉપયોગ કરી રહી છે. આ દાયકાએ ક્લાઉડ કમ્પ્યૂટિંગનો પાયો નાખ્યો છે.

રોબોટિક્સ

 ઉદ્યોગમાં રોબોટિક્સનો ઉપયોગ પણ નોંધપાત્ર રીતે વધ્યો છે. રોબોટિક્સ અને આર્ટિફિશિયલ ઇન્ટેલિજન્સની મદદથી રોબોટ હવે વધુ ને વધુ માનવીની જેમ કામ કરતા થયા છે. માનવીની જેમ શીખતાં અને લાગણી વ્યક્ત કરતાં થયા છે. આગામી એક-બે દાયકામાં રોબોટ ક્ષેત્રે જબરદસ્ત ક્રાંતિ નિષ્ણાતો જોઇ રહ્યા છે. 

ક્રિપ્ટોકરન્સી

 બિટકોઇન જેવી ક્રિપ્ટોકરન્સીનો ઉપયોગ પણ વધ્યો છે. ટેક કંપનીઓ ક્રિપ્ટોક્રરન્સીનો ઉપયોગ કરવાનો પ્રયાસ કરી રહી છે. ફેસબુક સહિતની જાયન્ટ કંપનીઓ પણ પોતાની ક્રિપ્ટોકરન્સી લાવવા પ્રયાસ કરી રહી છે.

મોબાઇલ ગે‌િમંગ

  એક સમયે ઓનલાઇન ગેમ રમવા માટે કમ્પ્યૂટરની જરૂર પડતી હતી તેવી ગેમ્સ હવે સ્માર્ટ ફોનમાં સમાઇ ગઇ છે. વીડિયો અને મોબાઇલ ગેમ હવે વર્ચ્યુઅલ અને હાઇટેક બની રહી છે. હવે કલાઉડ ગે‌િમંગનો જમાનો આવ્યો છે. ગેમને ધ્યાનમાં રાખીને મોબાઇલ લોન્ચ થઇ રહ્યા છે અને આગામી દિવસોમાં ગે‌િમંગને ધ્યાનમાં રાખીને ખાસ મોબાઇલ લોન્ચ થશે.