મુશ્કેલી / કોરોના અને તીડના આતંક બાદ હવે આ વાયરસે દીધી દસ્તક, આ દેશમાં થયા 5 લોકોના મોત

• કોરોના અને તીડ બાદ આ વાયરસનો કહેર
• ઈબોલા વાયરસને લીધે થયા 5 લોકોના મોત
• આફ્રિકામાં જોવા મળી રહ્યો છે આ વાયરસનો કહેર

ભૂખમરો, તીડનો આતંક અને સાથે જ ઓરીના કહેરની વચ્ચે આફ્રિકા પીસાઈ રહ્યું છે. હાલમાં જ ડેમોક્રેટિક રિપબ્લિક ઓફ કાંગોમાં ઈબોલા વાયરસના નવા કેસ સામે આવ્યા છે, દેશમાં ઈબોલાના કેસ મળ્યા હતા. આ સમયે નવા કેસ જ્યાં આ બીમારી ફેલાયેલી હતી તેનાથી એક હજારથી પણ વધારે કિલોમીટર દૂર મળ્યા છે. આ નવું કલ્સ્ટર હોવાની સંભાવના સેવાઈ રહી છે. 

કાંગોના સ્વાસ્થ્ય મંત્રીએ જણાવી છે આ હકીકત

કાંગોના આરોગ્યમંત્રી ઇટેની લોંગોન્ડોએ જણાવ્યું હતું કે પશ્ચિમના શહેર મ્બાનડાકામાં વાયરસના કારણે 5 લોકોનાં મોત નીપજ્યાં છે. તેમણે કહ્યું છે કે અસરગ્રસ્ત વિસ્તારમાં ડોકટરો અને દવાઓ મોકલવામાં આવી છે. ડેમોક્રેટિક રિપબ્લિક ઓફ કાંગો એપ્રિલમાં ઇબોલા રોગચાળાના અંતની જાહેરાત કરી રહ્યો હતો કે નવા કેસો સામે આવ્યા હતા. ડીઆરસી ઇબોલા ઉપરાંત ઓરી અને કોરોના રોગચાળાઓ સામે પણ ઝઝૂમી રહી છે.

ઈબોલાએ 750 મીલ કઈ રીતે કર્યા પસાર

એક રિપોર્ટ અનુસાર કાંગોના દક્ષિણી વિસ્તારના મેબંકામાં ઈબોલા વાયરસના અનેક નવા કિસ્સા સામે આવ્યા છે. યુનિસેફના આધારે સોમવારે અહીં ઈબોલાના કારણે 5 લોકોના મોત થયા છે. ફક્ત 1 મહિના પહેલાં જ કાંગોએ દેશમાં ઈબોલાના કે ન હોવાની અને મહામારી પર કાબૂ મેળવી લેવાની જાહેરાત કરી હતી. છેલ્લા 2 વર્ષમાં અહીં ઈબોલાથી 2275થી વધુ લોકોના મોત થયા છે. કાંગો સ્વાસ્થ્ય મંત્રાલયનું કહેવું છે કે ઈબોલા આટલે દૂરથી કેવી રીતે આવ્યો. તેના તમામ કેસ ઉત્તરી કાંગોમાં જોવા મળ્યા હતા.

કાંગોમાં કોરોના ચેપને કારણે લોકડાઉન ચાલુ રાખવામાં આવ્યું છે. અહીં ચેપના 3000 થી વધુ કેસો નોંધાયા છે, જ્યારે 71 લોકોનાં મોત પણ થયા છે. ડબ્લ્યુએચઓ મુજબ, કાંગો અને ઘણા આફ્રિકન દેશોમાં પરીક્ષણ કિટ અને અન્ય આરોગ્ય સુવિધાઓની અછતનો સામનો કરવો પડી રહ્યો છે. આવી સ્થિતિમાં, ચેપના કેસોમાં અચાનક વધારો અહીં નોંધાઈ શકે છે. કાંગોમાં ઓરીનો પ્રકોપ પણ ફાટી નીકળ્યો છે અને જાન્યુઆરી 2019 થી 3,50,000 લોકોને અસર થઈ છે, જ્યારે 6500 થી વધુ લોકોનાં મોત નીપજ્યાં છે. કોંગો એ તે આફ્રિકન દેશોમાંનો એક પણ છે જ્યાં તીડનો કહેર પણ વર્તાયો છે.