ખગોળશાસ્ત્ર / જાણો સૌરમંડળમાં સૌથી વધુ ચંદ્ર કોની પાસે? આ ગ્રહ પાસેથી છીનવાયું બહુમાન

• શનિ સૌથી વધારે 82 ચંદ્રો ધરાવનાર ગ્રહ બન્યો
• શનિના નવા શોધાયેલા 20 ચંદ્રો આકારમાં ખૂબ નાના છે 
• નવા શોધાયેલા દરેક ચંદ્રનો વ્યાસ માત્ર 5 કિ.મી છે 

આજ સુધી આપણે એમ માનતા હતા કે, આપણા સૌર મંડળમાં ગુરુગ્રહ સૌથી વધારે ચંદ્ર ધરાવે છે. પરંતુ કેટલાક ખગોળ વૈજ્ઞાનિકોએ આપણી એ માન્યતાને બદલાવી નાખે તેવું સંશોધન કરીને એક નવો જ સિદ્ધાંત પ્રસ્થાપિત કરી દીધો છે.

અવકાશ વિજ્ઞાનીઓએ નવા સંશોધન દ્વારા એ વાત જાહેર કરી છે કે સૌરમંડળમાં શનિગ્રહના વધારે 20 ચંદ્રો મળી આવ્યા છે. એ સાથે હવે શનિના ચંદ્રોની સંખ્યા કુલ 82 સુધી પહોંચી ગઈ છે. વૈજ્ઞાનિકોએ આ વાતની પુષ્ટી કરીને જાહેર કર્યું છે કે, પહેલા ગુરુ ગ્રહને સૌથી વધારે 79 ચંદ્રો હતા પરંતુ હવે શનિના વધારે ચંદ્રો શોધી કઢાયા છે. એ સાથે શનિ સૌથી વધારે 82 ચંદ્રો ધરાવનાર ગ્રહ બની ગયો છે.

કાર્નિગેજ ઈન્સ્ટિટયુટ ઓફ સાઈન્સના ખગોળવિજ્ઞાની સ્કોટ શેપર્ડે આ સંશોધન કર્યું છે. એ જાણીને તમને નવાઈ લાગશે કે, હવે ચંદ્રની સંખ્યાના આધારે શનિગ્રહ રાજા બની ગયો છે. જો કે, સૌથી મોટા ગ્રહ ગુરુ માટે ગર્વની વાત એ છે કે, ગુરુ પાસે રહેલો ચંદ્ર આકારમાં ખૂબ મોટો છે. ગુરુ ગ્રહનું કુલ કદ પૃથ્વીથી બે ગણું મોટું છે. રસપ્રદ બાબત એ છે કે, શનિના નવા શોધાયેલા 20 ચંદ્રો આકારમાં ખૂબ નાના છે. નવા શોધાયેલા દરેક ચંદ્રનો વ્યાસ માત્ર 5 કિ.મી છે. 

શેપર્ડ અને તેમની ટીમે હવાઈ ખાતેથી ટેલિસ્કોપ દ્વારા આ સંશોધન કર્યું છે. તેમને એવી આશા છે કે શનિગ્રહ પર હજુ પણ 100 જેટલા ચંદ્ર હોઈ શકે છે. ખગોળ વૈજ્ઞાનિકોને શનિ આસપાસ 5 કિમી અને ગુરુગ્રહ આસપાસ 1.6 કિમીની પરિધિમાં આ ચંદ્ર શોધવામાં સફળતા મળી છે. ખગોળ વિજ્ઞાની શેપર્ડના જણાવ્યા મુજબ શનિ પાસે સૌથી વધારે ચંદ્ર છે. તેમનું અનુમાન છે કે, આ નાના ચંદ્ર મુખ્ય ચંદ્રથી તૂટીને નાના નાના ટુકડામાં વહેંચાઈ ગયા હશે. 

નવા શોધાયેલા 20 માંથી 17 નાના ચંદ્ર એવા છે જે શનિ પર જુદી દિશામાંથી આવેલા જણાય છે. ત્યારે શનિના નવા ચંદ્રોની શોધથી શનિને વધારે ચંદ્ર ધરાવવાની ઓળખતો મળી જ છે. સાથે અવકાશ ક્ષેત્રે નવા સંશોધનો માટે પણ દ્વાર ખૂલ્યું છે.