ગાંધીનગર / શિવાનંદ ઝાએ DGP પદનો ચાર્જ આશિષ ભાટિયાને સોંપ્યો, આપી આ પ્રથમ પ્રતિક્રિયા

• DGP કચેરી ખાતે નવનિયુક્ત DGP આશિષ ભાટિયાનું કરાયું ભવ્ય સ્વાગત
• શિવાનંદ ઝાએ આશિષ ભાટિયાને અભિનંદન પાઠવ્યા
• આશિષ ભાટિયાએ શિવાનંદ ઝાનો આભાર માન્યો

શિવાનંદ ઝા આજે નિવૃત્ત થતા અમદાવાદ પોલીસ કમિશનર આશિષ ભાટિયાની રાજ્યના નવા DGP તરીકે નિમણૂક કરવામાં આવી છે. ત્યારે આજ રોજ તેઓ ગાંધીનગર DGP કચેરી ખાતે પહોંચ્યા હતા. જ્યાં તેમનું સ્વાગત કરાયું હતું. આ દરમિયાન પૂર્વ DGP શિવાનંદ ઝા અને નવા DGP આશિષ ભાટિયાએ નિવેદન આપ્યું હતું.

ગાંધીનગરઃ DGP કચેરી ખાતે નવનિયુક્ત DGP આશિષ ભાટીયાનું કરાયું ભવ્ય સ્વાગત@ashishbhatiaips @dgpgujarat @GujaratPolice @AhmedabadPolice #gujaratpolice #AshishBhatia pic.twitter.com/HzrW8qlNgj

— VTV Gujarati News and Beyond (@VtvGujarati) July 31, 2020

DGPનો કાર્યકાળ સંભાળ્યો ત્યારે કેટલાક કામના સપના જોયા હતાઃ શિવાનંદ ઝા

શિવાનંદ ઝાએ કહ્યું હતું કે, હું આશિષ ભાટિયાને અભિનંદન પાઠવું છું. હું ગુજરાત પોલીસના દરેક સભ્યનો આભાર માનું છું. જ્યારે મેં DGPનો કાર્યકાળ સંભાળ્યો ત્યારે કેટલાક કામના સપના જોયા હતા. પ્રેસિડેન્શિયલ કલર્સ માટેનું લક્ષ્યાંક હતું. નવું પોલીસ મેન્યુલ, કોન્સ્ટેબલને કેસની તપાસ મારા લક્ષ્યાંક હતા. દરિયાકાંઠા સુરક્ષા માળખાને મજબૂત બનાવવું. શિવાનંદ ઝાએ વધુમાં કહ્યું હતું કે, મુખ્યમંત્રી અને ગૃહમંત્રી દ્વારા મને સહકાર મળ્યો છે. આજે નિવૃતિ થવાનો સંતોષ વ્યક્ત કરૂ છું. આશિષ ભાટીયાને શુભેચ્છા પાઠવું છું. 

SPના ચાર્જ બાદ શિવાનંદ ઝા પાસેથી DGPનો ચાર્જ પણ સંભાળી રહ્યો છુંઃ આશિષ ભાટિયા

નવા DGP આશિષ ભાટિયાએ નિવેદન આપ્યું હતું. આશિષ ભાટિયાએ કહ્યું હતું કે, હું શિવાનંદ ઝાનો આભારી છું. તેમની પાસેથી DGPનો ચાર્જ સંભાળી રહ્યો છું. મેં SPનો ચાર્જ પણ તેમની પાસેથી જ સંભાળ્યો હતો. લૉ એન્ડ ઓર્ડર મારી પ્રાથમિકતા છે. અસામાજિક તત્વો પર અંકુશ મેળવવા પ્રયાસ કરીશું. સાયબર ક્રાઇમ અટકાવવા પગલાં ઉઠાવીશું. ગુજરાત પોલીસનો મને સહકાર મળશે તેવી આશા. DGP શિવાનંદ ઝાનું નિવૃત જીવન સારી રીતે પસાર થાય તેવી શુભેચ્છા.