મુખ્યાલયના અધિકારીઓએ સમગ્ર મામલાનો રિપોર્ટ સ્થાનીય અધિકારીઓ પાસે માંગ્યો છે. રાજકીય રેલવે પોલીસ(જીઆરપી), રેલવે સુરક્ષા દળ(આરપીએફ) અને રેલવેના અધિકારીઓએ રિપોર્ટ મોકલવાની સાથે સાથે સ્થાનીય સુરક્ષા ચાર્ટ તૈયાર કરી લીધો છે. જાટ આરક્ષણ આંદોલન દરમિયાન રેલવેના નુકસાનને જોતા જીઆરપીના અર્ધસૈનિક દળોની માંગ કરી છે.
સંયુક્ત ખેડૂત મોર્ચાએ 18 ફેબ્રુઆરીએ બપોરે 12 વાગ્યાથી 4 વાગ્યુ સુધી રેલ ચક્કા જામનું એલાન કર્યુ છે. આ ચક્કા જામ દેશભરમાં રહેશે. કુંડલી બોર્ડર પર સૌથી મોટું આંદોલન ચાલી રહ્યું છે અને આમાં પ્રદેશના લોકોની પણ ભાગીદારી છે. જેને જોતા સ્થાનીય પોલીસ પ્રશાસન અને રેલવે પ્રશાસન પોત પોતાના સ્તર પર સુરક્ષા રણનીતિ બનાવવામાં જોડાયેલા છે.
આ વખતે રેલવે પોલીસ પહેલી વાર સતર્ક છે
પોલીસ અધિક્ષક કાર્યાલય તથા રેલવેના ડીઆરએમ ઓફિસમાં 2 કન્ટ્રોલ રુમ બનાવવામાં આવ્યા છે. ફેબ્રુઆરી 2016માં જાટ આરક્ષણ આંદોલન દરમિયાન સોનીપતના રાજલૂગઢીમાં પણ આંદોલનકારી આ પ્રકારની રેલવે પાટા પર પહોંચ્યા હતા અને રેલ રોકતા પાટાને ઉખાડી દીધા હતા. આ સાથે ટ્રેનોના પરિચાલન તો ઠપ હતુ જ રેલવેને પણ ઘણું નુકસાન થયું હતુ. આને જોતા આ વખતે રેલવે પોલીસ પહેલી વાર સતર્ક છે.
ટ્રેકની દેખરેખ માટે મોબાઈલ ટીમ પણ તૈનાત કરાઈ
રેલવે હેડઓફિસે સ્ટેશન અધિક્ષકો પાસે ટ્રેનોના આવાગમનની સ્થિતિ અને તેમાં સફર કરનારા ઔસતન પ્રવાસીઓની સંખ્યા માંગી છે. આરક્ષણ આંદોલન દરમિયાન ટ્રેન અને પાટાની પુરી રિપોર્ટ અપાશે. આરપીએફ તથા જીઆરપીના પોતાના સુરક્ષા ચાર્ટ તૈયાર કરી હેડઓફિસને મોકલી દીધો છે. પ્રયત્ન કરવામાં આવી રહ્યો છે કે આંદોલનને જોતા સુરક્ષામાં ક્યાંય ચૂક ન થઈ જાય. જાટ આરક્ષણ આંદોલનમાંથી બોધ લેતા સુરક્ષામાં કડકાઈ રાખવાનો પ્લાન તૈયાર કર્યો છે. રેલ રોકવા અને ટ્રેક પર બેસવાના સંભવિત સ્થાનોના ચિન્હિત કરી ત્યાં સુરક્ષા વધારી દેવાઈ છે. ટ્રેકની દેખરેખ માટે મોબાઈલ ટીમ પણ તૈનાત કરાઈ. સ્ટેશનની સુરક્ષા વધારવામાં આવી રહી છે.
હેડ ઓફિસથી જલ્દી આ સંબંધમાં વિસ્તૃત દિશા નિર્દેશ પ્રાપ્ત થઈ જશે
જીઆરપી પોલીસ સ્ટેશનના એસએચઓ રાજકુમારે જણાવ્યું કે અમે પોતાની રિપોર્ટ હેડઓફિસને મોકલી દીધી છે. જાટ આરક્ષણ આંદોલનના સમયની સ્થિતિના આધાર પર જ રિપોર્ટ મુખ્યાલય મોકલવામાં આવ્યા છે. અમારો સુરક્ષાનો પ્લાન તૈયાર છે. અર્ધસૈનિક દળોની માંગ કરવામાં આવી છે. હેડ ઓફિસથી જલ્દી આ સંબંધમાં વિસ્તૃત દિશા નિર્દેશ પ્રાપ્ત થઈ જશે.