ટીવી જગતની સૌથી પ્રખ્યાત ફેમિલી એટલે તારક મહેતાના ગોકુલધામની ફેમિલી. કોમેડી શૉ તારક મહેતા કા ઉલ્ટા ચશ્મા છેલ્લા 12 વર્ષથી આપણને હસાવતો આવ્યો છે. શૉના લીડ અને સૌના ફેવરિટ પાત્રો એટલે દયા બહેન અને જેઠાલાલ, આ પાત્રોની એક અલગ ઓળખાણ અને ફેન ફોલોઇંગ છે.
જેઠાલાલને મળ્યા નવા દયાબેન
સોશ્યલ મિડીયા પર મચાવી રહ્યાં છે ધૂમ
તમને કેવા લાગ્યા નવા દયાબેન ?
છેલ્લા ઘણા સમયથી દયાબેન શૉમાંથી બહાર છે. તેમના લગ્ન બાદ તેમની એક પુત્રી છે અને પુત્રીની સાર સંભાળ માટે તેમણે શૉમાંથી બ્રેક લીધો છે પરંતુ દયાબેન શૉમાં પરત ફરશે તેની રાહ બધા જ લોકો આતુરતાથી જોઇ રહ્યાં છે. ત્યારે હાલમાં જ એક નવા દયાબેનનો જન્મ થયો છે.
કોણ છે નવા દયા બેન
જો તમે વિચારી રહ્યાં છો કે તારક મહેતા...માં નવા દયા ભાભીને એન્ટ્રી થઇ છે તો તમે ખોટુ વિચારી રહ્યાં છો. ટિકટોક સ્ટાર રોનિત અશ્રા કે જે બોલિવૂડના દરેક કલાકારની મિમિક્રી એક અલગ અંદાજમાં કરે છે તે હાલમાં જ જેઠા અને દયા બન્યા હતા. રોનિતે આ વીડિયો તેના ઇન્સ્ટાગ્રામ પર શૅર કર્યો હતો અને થોડા જ સમયમાં તે વીડિયો વાયરલ થવા લાગ્યો હતો.
યાહૂની લિસ્ટમાં પહેલા નંબરે
તારક મહેતા..શૉને યાહૂ પર સૌથી વધારે સર્ચ થનાર ફિલ્મો અને ટીવી શૉની કેટેગરીમાં પહેલું સ્થાન મળ્યું હતું. તારક મહેતા...એ બિગબોસ અને મિર્ઝાપુરને પણ પાછળ છોડી દીધુ હતુ.
શૉને પૂરા થયા 3000 એપિસોડ
શૉને હાલમાં જ 3000 એપિસોડ પૂરા થયા છે અને 12 વર્ષથી સતત મનોરંજન કરતા આ શૉમાં ઘણા ફેરફાર પણ થયા છે. દયાબેન સિવાય શૉમાંથી ટપ્પૂ, અંજલિ ભાભી, સોઢી જેવા કલાકારોએ પણ વિદાય લીધી છે અને તેમના સ્થાને નવા લોકો આવ્યા છે. તેના કારણે પણ કદાચ શૉની પોપ્યુલારિટીમાં ઘટાડો થતો જોવા મળી રહ્યો છે.