વાયરલ / VIDEO : ઇન્ટરનેટ પર ધૂમ મચાવી રહ્યાં છે નવા દયાબેન, તમને ગમ્યા કે નહી ? 

• નવા દયાબેન આવ્યા સામે
• ઇન્ટરનેટ પર છવાયા દયાબેન
• 24 કલાકમાં આવ્યા લાખો વ્યૂઝ 

કોમેડી ક્વિન દિશા વાકાણીને કોઇ રિપ્લેસ કરી શકે તેમ નથી પરંતુ રોજબરોજ તેમને લઇને ન્યૂઝ આવતા રહેતા હોય છે પરંતુ એક યુટ્યુબરે 24 કલાક દયાબેન બનીને રહેવાની ચેલેન્જ લીધી હતી. તેનો વીડિયો ખુબ જ વાયરલ થઇ રહ્યો છે. 

યુટ્યુબ પર વીડિયો વાયરલ

દયાબેનની કોપી કરનાર આ છોકરી એક કોન્ટેન્ટ ક્રિએટર છે. તેનુ નામ ગરિમા ગોયલ છે, જે અલગ અલગ કન્ટેન્ટથી લોકોને હસાવતી જોવા મળે છે પરંતુ આ વખતે ગરિમાએ દયાબેનને કોપી કરવાનો પ્રયત્ન કર્યો હતો. ગરિમાએ સેમ દિશાની જેમ સાડી અને હેરસ્ટાઇલ બનાવી હતી અને ગુજરાતી ઢબે બોલવાનો અને રહેવાનો પ્રયત્ન કર્યો હતો. 

ઇન્ટરનેટ પર મચાવી ધૂમ

24 કલાકની અંદર આ નવી દયાએ લોકોનું ધ્યાન પોતાના તરફ ખેંચી લીધુ હતુ. ઇન્ટરનેટ પર આ દયા છવાઇ ગઇ અને મીમર્સે પણ ગરિમાના ઘણા મીમ્સ બનાવ્યા હતા. 

ઘણા સમયથી દિશાની વાપસીને લઇને વાતો થઇ રહી છે પરંતુ ક્યારે પરત આવશે તેની પુષ્ટી હજુ સુધી થઇ શકી નથી. ઘણીવાર એવી વાતો પણ સામે આવી હતી કે દિશાએ શો છોડી દીધો છે પરંતુ સત્ય શું છે તે માત્ર અસિત મોદીને જ ખબર છે. 

નવી દયા આવશે
ટી-ટાઉનમાં એવી અફવા છે કે યે હૈ મોહાબ્બતેની ઇશિતા ભલ્લા એટલે કે દિવ્યાંકા ત્રિપાઠી તારક મહેતા...ની નવી દયાભાભી બનશે. એક સમયે યે હૈ મોહાબ્બતેએ ટીઆરપી પોતાના નામ કરી લીધી હતી અને દિવ્યાંકાને ભારતના દરેક ખૂણે જાણીતી કરી દીધી હતી. 

દિવ્યાંકા કરશે તારક મહેતા..માં કામ 
દિવ્યાંકા ત્રિપાઠી દહિયાને ટીવીના સૌથી પોપ્યુલર શો તારક મહેતા...ની દયા બનવાનો મોકો આપવામાં આવ્યો હતો પરંતુ તેણે આ ઓફર રિજેક્ટ કરી દીધી હતી. જો કે આ વાત પર દિવ્યાંકા તરફથી કોઇ નિવેદન આવ્યુ નથી. 

2017થી ફેન્સ દયાબેન પરત ફરે તેની રાહ જોઇ રહ્યા છે પરંતુ તેમને 2021 સુધી નિરાશા જ સાંપડી છે. દિશા વાકાણી એટલે કે દયાબેનની વાપસીની વાતો ઘણી વાર થઇ છે પરંતુ ચોક્કસ સમય કે તારીખ આપવામાં આવી નથી કે દયા બેન પરત ફરશે જ. થોડા સમય પહેલા સમાચાર આવ્યા હતા કે દયાએ શોમાંથી ક્વિટ કરી લીધુ છે ત્યારે તેના ફેન્સ નિરાશ થયા હતા.