ભારતમાં સસ્તી અને કોમ્પેક્ટ કારની લિસ્ટમાં Redi-Go પહેલાં નંબરે આવે છે. ત્યારે ડેટસન તેની આ લોકપ્રિય Redi-Goને નવા અવતારમાં લોન્ચ કરવા જઈ રહી છે. કંપનીએ Datsun Redi-Go ફેસલિફ્ટના ટીઝર ફોટોઝ રિલીઝ કરી દીધા છે. આ ટીઝરમાં જોઈ શકાય છે કે કંપનીએ તેના લુકમાં મોટા ફેરફાર કર્યા છે. નવી ડેટસન રેડી-ગોની ટક્કર મારૂતિ અલ્ટો અને રેનો ક્વિડ જેવી એન્ટ્રી લેવલની કારોથી થશે.
નવી Redi-Go બોલ્ડ અને સ્પોર્ટી લુકમાં આવશે. તસવીરો જોઈને અંદાજો આવે છે કે, કારનું ફ્રંટ લુક એકદમ નવું હશે. અપડેટેટ રેડી ગોની ગ્રિક વર્તમાન મોડલથી મોટી છે. જેથી તેનો ફ્રંટ લુક બોલ્ડ લાગી રહ્યો છે. ગ્રિલની બંને બાજુ L શેપમાં લાંબી LED ડેટાઇમ રનિંગ લાઇટ જોવા મળી રહી છે. નવી કારમાં નવું ફ્રંટ બંપર અને હેડલેમ્પ ક્લસ્ટર પણ આપવામાં આવશે.
આ કારની સાઇડની ડિઝાઇન પણ એકદમ સ્પોર્ટી જોવા મળી રહી છે. કારના રિઅરમાં નવી ટેલલાઇટ્સ આપવામાં આવી છે. પાછળની તરફ ઈન્ટીગ્રેટેડ સ્પોઈલર આપવામાં આવ્યું છે. સાઈડમાં ફ્રેંડર્સ પર ડેટસનની બેઝિંગ આપવામાં આવી છે. કારના ફીચર્સ, એન્જિન અને વેરિઅન્ટની ડીટેલ હાલ શેર કરવામાં આવી ની. પણ એ વાત નક્કી છે કે, કારમાં નવા ફીચર પણ સામેલ કરવામાં આવી શકે છે.
પાવર
આ કાર બે એન્જિન ઓપ્શન 800cc પેટ્રોલ અને 1.0 લિટર પેટ્રોલ સાથે આવે છે. બંને એન્જિન સાથે 5 સ્પીડ મેન્યુઅલ ગિયરબોક્સ સ્ટાન્ડર્ડ મળે છે. તેમજ, 1.0 લિટર એન્જિન સાથે AMT ગિયરબોક્સનો ઓપ્શન પણ મળે છે.
કિંમત
હાલ આ ડેટસન રેડી-ગો 5 વેરિઅન્ટમાં ઉપલબ્ધ છે. જેની કિંમત 2.80 લાખ રૂપિયાથી 4.37 લાખ રૂપિયા વચ્ચે રાખવામાંઆવી છે. આ કિંમત એક્સ શોરૂમ દિલ્હીની છે.