કપાસ અને ચોખાના જેનેટિકના આધારે કરવામાં આવ્યો રિપોર્ટ
કોરોના બાદ વધુ એક ખતરનાક વાયરસ દુનિયાને પરેશાન કરી શકે છે. શોધકર્તાઓની એક ટીમ દ્વારા દાવો કરવામાં આવ્યો છે કે ચીનના વુહાનમાં હજુ પણ કેટલાય પ્રકારના ખતરનાક વાયરસ ઉપસ્થિત છે. વૈજ્ઞાનિકોનો આ દાવો ચીનના શહેરોની કૃષિ પ્રયોગશાળામાંથી મળી આવેલ કપાસ અને ચોખાના જેનેટિકના આધારે કરવામાં આવ્યો છે.
દુનિયા પર વધુ એક મુસીબતની ઘંટી!
વૈજ્ઞાનિકો દાવો કરી રહ્યા છે કે દુનિયાને વધુ એક મુસીબતનો સામનો કરવો પડી શકે છે. આ વાયરસ વધારે ખતરનાક પણ સાબિત થઈ શેક છે કારણ કે કૃષિ પ્રયોગશાળાઓમાં વાયરોલોજી જેવી મજબૂત વ્યવસ્થા નથી હોતી. ArXiv નામનું એક સર્વર પ્રકાશિત કરવામાં આવ્યું છે. વૈજ્ઞાનિકો કહી રહ્યા છે કે વુહાન અને અન્ય શહેરોમાં કૃષિ પ્રયોગશાળામાં મનુષ્યને નુકસાન પહોંચાડે તેવા વાયરસ ઉપસ્થિત છે. જો આ વાયરસને યોગ્ય રીતે કંટ્રોલ કરવામાં નહીં આવે તો દુનિયા વધુ એક મુસીબતનો સામનો કરશે.
આ રિપોર્ટમાં વૈજ્ઞાનિકોએ કૃષિ પ્રયોગશાળાના ચોખા અને કપાસના જેનેટિક સિકવેન્સના 2017થી 2020 સુધીના ડેટા લીધા છે. આ ડેટામાં નવા વાયરસનો ઉલ્લેખ કરવામાં આવ્યો છે જે MERS અને SARS સાથે સંબંધિત છે.
નોંધનીય છે કે ઘણા બધા વૈજ્ઞાનિકો અને શોધકર્તાઓને આશંકા છે કે કોરોના વાયરસ ચીનની એક વાયરોલોજિમાંથી ફેલાયો છે. પરંતુ ચીની સરકાર આ મુદ્દે સતત સફાઇ આપી ચૂકી છે અને દાવાઓ નકારવામાં આવ્યા છે. જોકે આજની તારીખમાં પણ ઘણા બધા નિષ્ણાતોને કોરોના વાયરસ મુદ્દે ચીન પર ઘણી બધી આશંકા છે.