ચિંતાજનક / ડૅલ્ટા પ્લસ જ નહીં, કોરોનાના આ 8 વેરિએન્ટ્સ પણ છે ખતરનાક

• મ્યુટેટ થઇને વિકસિત થયેલા વાયરસથી થાય છે એક નવો વેરિએન્ટ તૈયાર
• વિશ્વ સ્વાસ્થ્ય સંગઠનનો દાવો, વાયરસમાં થતાં ફેરફારને કહેવાય છે મ્યુટેશન
• મ્યુટેટ થયેલા ડેલ્ટા વેરિએન્ટે આખા વિશ્વમાં મચાવ્યો છે કહેર

તાજેતરમાં કોરોનામાં મ્યુટેટ થયેલા વેરિએન્ટે આખી દુનિયાની ચિંતા વધારી દીધી છે. જોકે, ડેલ્ટા પ્લસ વેરિએન્ટ સિવાય કોરોનાના ઘણાં એવા વેરિએન્ટ છે,   જે વાસ્તવિક સ્ટ્રેનથી પણ વધુ ખતરનાક છે. હવે આરોગ્ય નિષ્ણાંતોએ ડેલ્ટા અને ડેલ્ટા પ્લસ વેરિએન્ટ સિવાય કોવિડના ઘણાં નવા વેરિએન્ટની યાદી તૈયાર કરી છે.

ધ લેમ્બડા વેરિએન્ટ

કોરોનાનો લેમ્બડા વેરિએન્ટ સૌપ્રથમ ઓગષ્ટ 2020માં   પેરૂમાં જોવા મળ્યો હતો. આ વેરિએન્ટ અત્યાર સુધી લગભગ 29 દેશોમાં ફેલાયો છે. પબ્લિક હેલ્થ ઈંગ્લેન્ડ મુજબ, બ્રિટનમાં 23 ફેબ્રુઆરીથી 7 જૂન સુધી લેમ્બડા વેરિએન્ટના 6 કેસો નોંધાયા છે. PHEએ લેમ્બડા વેરિએન્ટને (C.37) વેરિએન્ટ ઑફ ઈન્ટરસ્ટના રૂપમાં તૈયાર કર્યો છે.

કપ્પા વેરિએન્ટ

SARS-COV-2 વાયરસનો કપ્પા વેરિએન્ટ પૈંગો લીગિએજ B.1.617ના ત્રણ સબ-લીનિએજમાંથી એક છે. કેટલાંક રિપોર્ટમાં દાવો કરવામાં આવ્યો છે કે આ વેરિએન્ટ સૌપ્રથમ ભારતમાં ડિસેમ્બર 2020માં જોવા મળ્યો હતો. આ E484Q અને E484Kનું એક ડબલ મ્યૂટેશન વેરિએન્ટ છે. જે L452R મ્યુટેશનની સાથે આવે છે.

B.11.318

કોરોનાના B.11.318 વેરિએન્ટમાં કપ્પા વેરિએન્ટની જેમ E484K મ્યુટેશન જ હોય છે. ભારત આ નવા વેરિએન્ટના બે જીનોમ સિક્વન્સિસને પણ રિપોર્ટ કરી ચુક્યુ છે. આ વાયરસ ખૂબ જ ઝડપથી લોકોને પોતાનો શિકાર બનાવે છે.

B.1.617.3

B.1.617માંથી ઉદ્ભવેલો B.1.617.3 વેરિએન્ટ ડેલ્ટા વેરિએન્ટ B.1.617.2નો એક ભાગ છે, જેને ભારતમાં સૌથી વધુ કલ્પાત મચાવવા માટે જવાબદાર માનવામાં આવે છે. B.1.617.3થી પરેશાન થયેલા નિષ્ણાંતો હવે તેને વેરિએન્ટ ઓફ કન્સર્નના રૂપમાં લિસ્ટેડ કર્યો છે.

દક્ષિણ આફ્રિકાનો B.1.351 વેરિએન્ટ

દક્ષિણ આફ્રિકામાં કહેર મચાવનાર B.1.351 વેરિએન્ટ ઓગષ્ટ 2020માં મળ્યો હતો. આ વેરિએન્ટ અત્યાર સુધી 75થી વધુ દેશોમાં ફેલાયેલો છે. ડેલ્ટા વેરિએન્ટની જેમ પણ આ વાયરસ પણ ઝડપથી ફેલાય છે. આ વાયરસ કોઈ પણ વ્યક્તિને ગંભીરરીતે બિમાર પાડી શકે છે અને તેમાં રીઈન્ફેક્શનનું સંકટ પણ વધારે છે.

જાપાન-બ્રાઝીલ B.1.1.28.1 વેરિએન્ટ

ડિસેમ્બર 2020માં મળેલો કોરોનાનો આ વેરિએન્ટ પણ અત્યંત સંક્રમિત છે. જેની ગંભીરતાને લઇને વૈજ્ઞાનિક પણ સંશોધન કરી રહ્યાં છે. વૈજ્ઞાનિક કહે છે કે રીઈન્ફેક્શન માટે આ વેરિએન્ટને જવાબદાર માની શકાય છે.