સૌ પ્રથમ વાર દક્ષિણ આફ્રિકામાં મળેલો કોરોનાનો અત્યંત ખતરનાક C.1.2 સ્ટ્રેન અત્યાર સુધી 6 દેશોમાં ફેલાતા નવી ચિંતા પેદા થઈ છે.
કોરોનાનો અત્યંત ખતરનાક C.1.2 સ્ટ્રેન 6 દેશોમાં ફેલાયો
સૌ પ્રથમ વાર દક્ષિણ આફ્રિકામાં મળ્યો હતો
વેક્સિનને થાપ આપવામાં પણ પાવરધો છે
દક્ષિણ આફ્રિકાના વૈજ્ઞાનિકોએ કોરોનાના અત્યંત ખતરનાક C.1.2 સ્ટ્રેનને ઓળખી કાઢ્યો છે. મીડિયા રિપોર્ટ અનુસાર નવા વેરિયન્ટમાં ઘણા બધા મ્યુટેશનો દેખાયા છે. સૌથી પહેલા દક્ષિણ આફ્રિકી પ્રાંત પુમાલંગામાં મે મહિનામાં આ સ્ટ્રેનની ઓળખ થઈ હતી.
13 ઓગસ્ટ સુધી આ નવો સ્ટ્રેન આફ્રિકાના 9 પ્રાંતોમાં જોવા મળ્યો છે. તેની સાથે કોંગો, મોરિશસ, પોર્ટુગલ, ન્યૂઝીલેન્ડ અને સ્વિઝરલેન્ડમાં પણ ફેલાયો છે. વૈજ્ઞાનિકોએ જણાવ્યું કે વાયરસના મ્યુટેશનનને કારણે સંક્રમણના કેસોમાં વધારો જોવા મળ્યો છે જ્યારે એન્ટીબોડીને થાપ આપવામાં પણ વાયરસ ભારે પાવરધો છે.
સૌથી ઘાતક વેરિયન્ટ
વૈજ્ઞનિકોનું કહેવું છે કે પહેલી લહેરમાં કોરોનાનો C.1 વેરિએંટ સામે આવ્યો હતો. તેની તુલનામાં આ C.1.2 વેરિએંટ વધારે ઘાતક છે અને તેમા ઘણા બદલાવો જોવા મળ્યા છે. જેથી આજ કારણોસર આ વેરિએંટને હાલ સૌથી ઘાતક માનવામાં આવી રહ્યો છે.
વેક્સિન પર આ વેરિએંટ સામે નિષ્ફળ
અત્યાર સુધીમાં કોરોનાના જેટલા વેરિએંટ સામે આવ્યા તેની તુલનામાં C.1.2 વેરિએન્ટમાં સૌથી વધારે મ્યૂટેશન જોવા મળ્યા છે. વૈજ્ઞાનિકોનો દાવો છે કે આ વેરિએંટ લોકો માટે અત્યાર સુધીનો સૌથી ધાતક વેરિએંટ સાબિત થઈ શકે છે. કારણકે તેના પર વેક્સિન પણ અસરકારક નથી.
મ્યૂટેશન રેટ 41.8 ટકા પ્રતિવર્ષ
ઉલ્લેખનીય છે કે એક સ્ટડી પ્રમાણે C.1.2 વેરિએંટનો મ્યૂટેશન રેટ 41.8 પ્રતિ વર્ષ છે. વૈજ્ઞાનિકોને આ વેરિએંટમાંથી મ્યૂટેશન N440K અને Y449H મળ્યા છે. આ વેરિએંટ એવા દર્દીઓમાં પણ જોલવા મળ્યો છે. જેમનામાં આલ્ફા અને બીટા વેરિએંટ સામે એન્ટિબોડી વિકસીત થઈ હતી.