મહામારી / ઓમિક્રોનથી કેટલો ખતરનાક છે કોરોનાનો નવો IHU વેરિયન્ટ, જાણો 4 મોટી બાબત

• ફ્રાન્સમાં IHU વાયરસની એન્ટ્રી
• 12 કેસ નોંધાયા
• ઓમિક્રોન કરતા બમણો ચેપી 

ઓમિક્રોન બાદ હવે  કોરોનાના અત્યંત ચેપી IHU વેરિએન્ટની એન્ટ્રી થતા દુનિયામાં ફફડાટ વ્યાપ્યો છે. દુનિયાને હજુ સુધી કોરોના અને તેના વેરિયન્ટથી કળ વળી નથી ત્યાં તો ઓમિક્રોન કરતા પણ વધારે ચેપી વાયરસે ફ્રાન્સમાં દેખા દીધી છે. ફ્રાન્સના IHU વેરિએન્ટના 12 કેસ નોંધાયા છે. આ વેરિયન્ટને ઓમિક્રોન કરતા ડબલ ચેપી ગણવામાં આવે છે. 

Un nouveau variant COVID-19 à été détecté à l'IHU Méditerranée Infection issu de patients de Forcalquier. Il a été baptisé variant IHU et déposé sur GISAID sous le nom de B.1.640.2. pic.twitter.com/Rh3klIxy0w

— IHU Méditerranée Infection (@IHU_Marseille) December 9, 2021

ફ્રાન્સમાં IHU વેરિએન્ટથી 12 લોકો સંક્રમિત
ફ્રાન્સના મર્સિલી શહેરમાંથી મળેલા IHU વેરિએન્ટથી સંક્રમિત 12 લોકો નવેમ્બરના મધ્યમાં આફ્રિકન દેશ કેમેરુનથી પાછા ફર્યા હતા. જે બાદ તેને એરપોર્ટ પર કોવિડ ટેસ્ટ પોઝિટિવ મળ્યો હતો. 

IHU એટલે B.1.640.2,અત્યાર સુધી 46 મ્યુટેશન નોંધાયા 

વૈજ્ઞાનિકોએ તેની ઓળખ B.1.640.2 તરીકે કરી છે. તેમનું કહેવું છે કે આ નવા વેરિઅન્ટમાં અત્યાર સુધીમાં 46 મ્યુટેશન જોવા મળ્યા છે. જો કે, તે કેટલું ખતરનાક છે અને તેના સંક્રમણના દર અંગે હજુ સુધી રિપોર્ટ્સ સામે આવ્યા નથી. રિપોર્ટમાં કહેવામાં આવ્યું છે કે જે વ્યક્તિઓમાં નવો પ્રકાર જોવા મળ્યો હતો તેઓ કેમરૂન પરત ફર્યા હતા. આવી સ્થિતિમાં, આ સંક્રમણ પણ દક્ષિણ આફ્રિકાના દેશોમાં ફેલાઈ શકે છે.

વેક્સિન પણ કામ નહીં કરે 
વૈજ્ઞાનિકોનું કહેવું છે કે 12 લોકોમાં આ વિચિત્ર વેરિયન્ટ જોવા મળ્યું છે જેમાં નવા પ્રકારની ઓળખ કરવામાં આવી છે. 46 મ્યુટેશન સાથેનો નવો વેરિઅન્ટ વેક્સિનને પણ હરાવી દે એવું લાગી રહ્યું છે.  વૈજ્ઞાનિકોનું કહેવું છે કે નવું વેરિઅન્ટ પોતાનામાં જ કોરોના વેક્સીન માટે ઈમ્યુનિટી બનાવી રહ્યો છે.

IHU વિશે વૈજ્ઞાનિકોને અત્યાર સુધી આ 4 વાત જાણવા મળી 
(1) સૌથી પહેલી વાર ફ્રાન્સના શહેર માર્સિલેમાં  IHUએ દેખા દીધી. આ વેરિયન્ટના 46 મ્યુટેશન છે જ્યારે ઓમિક્રોનના 32 છે.
(2) આ વેરિયન્ટને આફ્રિકી દેશ કૈમરુન સાથે જોડવામાં આવ્યો. 24 નવેમ્બરે આફ્રિકાના દક્ષિણ વિસ્તારમાં ઓમિક્રોનની જાણકારી મળી.
(3) ડિસેમ્બરની શરુઆતમાં માર્સિલે શહેરમાં IHUના 12 કેસ નોંધાયા
(4) B.1.640.2એ હજુ સુધી ફ્રાન્સ સિવાય બીજા દેશોમાં દેખા દીધી નથી. વિશ્વ આરોગ્ય સંગઠને પણ તેને હજુ સુધી ખતરો કે  મહામારીનું લેબલ લગાવ્યું નથી.