ચિંતા / કોરોનાના નવા સ્ટ્રેન પર આવ્યો ચોંકાવનારો રિપોર્ટ : દુનિયાભરના દેશો મુકાઈ શકે છે મુશ્કેલીમાં

• કોરોના વાયરસનાનો નવો પ્રકાર સતત થઈ રહ્યો છે મ્યૂટેટ 
• નિષ્ણાતો અનુસાર જો આ વાયરસમાં સતત મ્યુટેશન થતું રહેશે તો વધશે ટેન્શન 
• બ્રિટનમાં વાયરસના નવા પ્રકારના કારણે હાહાકાર, કડક લોકડાઉન 

જો વાયરસમાં મ્યુટેશન ચાલુ રહેશે તો તેને કાબૂમાં ન કરી શકાય 

કોરોના વાયરસના કારણે વિશ્વભરમાં એક વર્ષથી આતંક ફેલાઈ રહ્યો છે ત્યારે વેક્સિન આવી જતાં જ્યાં એક તરફ ઘણાખરા લોકોએ રાહતનો શ્વાસ લીધો છે ત્યારે આ વાયરસના એક નવા પ્રકારના કારણે વિશ્વના કેટલાય દેશોની ચિંતા વધી રહી છે. બ્રિટન, સાઉથ આફ્રિકા અને અન્ય કેટલાક દેશોમાં વાયરસ ખૂબ તેજીથી ફેલાઈ રહ્યો છે. હવે આ વાયરસને લઈને નવી સ્ટડી સામે આવી છે જેમાં કહેવામાં આવ્યું છે કે જો કોરોના વાયરસનો નવો સ્ટ્રેન મ્યુટેશન ચાલુ રાખે છે તો મહામારીને કાબૂમાં રાખવી મુશ્કેલ થઈ જશે.  

વાયરસના કારણે સતત વધી રહ્યું છે ટેન્શન 

સ્ટડીમાં બતાવવામાં આવ્યું કે કોરોના વાયરસના નવા સ્ટ્રેન સૌથી પહેલા સપ્ટેમ્બર મહિનામાં મળી આવ્યા હતા. જે બાદ આ વાયરસ ઈંગ્લેન્ડ અને લંડનમાં ફેલાઈ ગયા બાદ કડક લોકડાઉન કરવામાં આવ્યું છે. સાથે જ બ્રિટન આવતી ફ્લાઇટ્સને રોકી દેવામાં આવી છે. 

યુવાનો પર પણ વધી રહી છે ચિંતા 

નોંધનીય છે કે કોરોના વાયરસના નવા સ્ટ્રેનના જેનેટિક કોડમાં 23 ફેરફાર ઓવા મળ્યા છે અને નિષ્ણાતો કહી રહ્યા છે કે આવા બદલાવના કારણે વાયરસ વધારે મજબૂત થઈ જાય છે. સાથે જ આવું થવાના કારણે યુવાનો પર તેનો ખતરો વધી રહ્યો છે. નોંધનીય છે કે કોરોના વાયરસથી યુવાનો બચીને રહ્યા છે પણ આ નવા સ્ટ્રેનના કારણે યુવાનોની ઉપર પર પણ ખતરો ઊભો થયો છે.

નવા સ્ટ્રેનના કારણે ચિંતામાં વધારો  

ઇમ્પિરિયલ કોલેજ લંડન, યુનિવર્સિટી ઓફ એડિનબર્ગ અને યુનિવર્સિટી ઓફ બર્મિનઘમ સહિતની કેટલીક યુનિવર્સિટીની સ્ટડીમાં સામે આવ્યું છે કે કોરોના વાયરસનો નવો સ્ટ્રેન પહેલા કરતાં ખૂબ ખતરનાક છે અને લોકડાઉનથી જ્યાં પહેલા કોરોના વાયરસને રોકવો સરળ હતો તે હવે આ નવા રૂપના કારણે લોકડાઉનથી પણ કોરોના વાયરસને રોકી શકાશે નહીં.