ચિંતાજનક / વધતાં કોરોના કેસ વચ્ચે અમેરિકાથી આવ્યા એવા સમાચાર કે વિશ્વનું વધી જશે ટેન્શન

• કોરોના વાયરસનો નવો સ્ટ્રેઇન ન્યુયોર્કમાંથી મળ્યો 
• આ વેરીએન્ટમ પર કોઈ પણ વેક્સિનની અસર થતી નથી 
• ન્યુયોર્કમાં હાલમાં કુલ ઇન્ફેકટેડ લોકોમાંથી ૨૫ ટકા નવા સ્ટ્રેઇનથી સંક્રમિત છે 

મહત્વનું છે કે કોરોના વાયરસથી જો કોઈ દેશ સૌથી વધુ ખરાબ રીતે પ્રભાવિત થયું હોય તો તે સુપરપાવર અમેરિકા પોતે છે, હજુ પણ અમેરિકામાં કોરોના વાયરસની સ્થિતિ કાબૂ હેઠળ આવી શકી નથી, અને પૂર્વ પ્રમુખ ડોનાલ્ડ ટ્રમ્પના અમુક તઘલખી નિર્ણયોના લીધે આ સ્થિતિ વધુ ખરાબ થવાની નજીક પહોંચી ગઈ છે. 

કોરોના સામેની લડાઈ બાયડન વહીવટી તંત્રનું મુખ્ય લક્ષ્ય છે 

હાલમાં અમેરિકામાં બાયડન વહીવટીતંત્ર સત્તામાં છે, અને કોરોનાની સાથે લડાઈને તેમણે પોતાના મુખ્ય લક્ષ્યમાનું એક ગણાવ્યું છે, અને આ દિશામાં કામગીરી પણ આરંભી દીધી છે, પણ ન્યુયોર્કમાં મળેલા આ નવા કોરોના સ્ટ્રેઇનના લીધે તેમના પ્રયત્નો પર ગંભીર અસર પડી શકે છે. 

ન્યુયોર્ક ટાઈમ્સની એક રિપોર્ટ પ્રમાણે આ નવા વેરિએન્ટનું નામ B.1.526 છે અને હાલમાં ન્યુયોર્ક સિટીમાં કુલ સંક્રમિતોમાંથી લગભગ 25 ટકા લોકો તેનાથી ઈન્ફેક્ટેડ હોવાનું મનાઈ રહ્યું છે. ફેબ્રુઆરીમાં થયેલી સીકવેંસીન્ગ જિનોમ રિપોર્ટમાં આ બાબત સામે આવી છે.

આ નવા વેરિયન્ટ પર કોઈ પણ વેક્સિનની અસર થતી નથી 

કેલિફોર્નિયા ઇન્સ્ટિટ્યૂટ ઓફ ટેક્નોલોજીના મંતવ્ય અનુસાર આ વેરિએન્ટ પર કોઈ પણ વેકિસનની અસર થઇ રહી નથી, અને તેની બહારની સપાટી કાંટાળી અને અન્ય કોવિડ વાયરસની તુલનામાં વધુ સંક્રમક, ઘાતક અને મજબૂત છે, તે જલ્દીથી માનવશરીરની કોશિકાઓ સાથે જોડાઈને તેમને ઓગાળીને આરએનએ તેની અંદર છોડી દે છે, જેનાથી વાયરસની સંખ્યા વધુ ઝડપથી વધી શકે. B.1.526ને મ્યુટેશનમાં S447N તરીકે પણ કહેવામાં આવે છે, E484K નું મ્યુટેશન સાથે મળીને વધુ ઝડપથી વાયરસ ફેલાઈ રહ્યો છે.

આની સિવાય ૨૫ ફેબ્રુઆરીના રોજ જ જાણવા મળ્યું હતું કે કેલીફોર્નિયામાં B.1.427/B.1.429 નામનો નવો સ્ટ્રેઇન જોવા મળ્યો છે, કેલિફોર્નિયા યુનિવર્સિટીના વાયરોલોજીસ્ટે જણાવ્યું હતું કે આ સ્ટ્રેઇન હવે આખા રાજ્યમાં સામાન્ય રીતે ફેલાઈ રહ્યો છે, આ સ્ટ્રેઇન સપ્ટેમ્બરમાં લેવાયેલા સેમ્પલમાં જોવા નથી મળ્યો, જાન્યુઆરીના સેમ્પલ્સમાં પણ અડધાથી વધુ સેમ્પલ્સમાં આ નવો સ્ટ્રેઇન જોવા મળ્યો છે.