ચીન અને રશિયામાં ફરી એકવાર કોરોનાના કેસ વધવા લાગ્ચા છે. શનિવારે ચીનમાં કુલ 38 નવા કેસ નોંધાયા છે, જ્યારે રશિયામાં 37,678 નવા કેસ નોંધાયા છે.
ચીનમાં કોરોનના કેસો વધતાં હોટલમાં બુકિંગ પર પ્રતિબંધ મુકાયો
રશિયામાં પરિસ્થિતિને ધ્યાનમાં રાખીને 7 નવેમ્બર સુધી રજા જાહેર કરાઈ
રશિયામાં કોરોના વાયરસથી છેલ્લા 24 કલાકમાં 1,075 લોકો મૃત્યુ પામ્યા
શનિવારે રશિયામાં કોરોના વાયરસથી 1,075 લોકો મૃત્યુ પામ્યા
ચીન અને રશિયામાં કોરોનાનું સંક્રમણ પુનઃ ફેલાવા લાગ્યો છે. મહત્વનું છે કેસ શનિવારે ચીનમાં કોરોનાવાયરસના કુલ 38 નવા કેસ નોંધાયા છે. બીજી બાજુ રશિયામાં છેલ્લા 24 કલાક દરમિયાન સંક્રમણના 37,678 નવા કેસ સામે આવ્યા છે. જ્યારે શનિવારે રશિયામાં વાયરસથી 1,075 લોકો મૃત્યુ પામ્યા હતા, જે રોગચાળા દરમિયાન એક દિવસની સૌથી વધુ સંખ્યા છે.
ચીનમાં કોરોનના કેસો વધતાં હોટલમાં બુકિંગ પર પ્રતિબંધ પગલા મુકાયા
ચીનની રાજધાની બેઇજિંગમાં શનિવારે કોરોનાના કુલ નવ કેસ નોંધાયા હતા, જેને જોતા અધિકારીઓએ તપાસ વધારવા અને હોટલમાં બુકિંગ પર પ્રતિબંધ મૂકવા જેવા પગલાં લીધા છે. બેઇજિંગમાં સંક્રમિત મળી આવેલા પાંચ લોકોએ 12 ઓક્ટોબરથી 15 ઓક્ટોબર દરમિયાન આંતરિક મંગોલિયા સ્વાયત્ત પ્રદેશ, નિંગક્સિયા હુઇ સ્વાયત્ત પ્રદેશ અને શાંક્સી પ્રાંતની મુસાફરી કરી હતી અને 16 ઓક્ટોબરે બેઇજિંગ પરત ફર્યા હતા. અર્બન હેલ્થ કમિશનના જણાવ્યા મુજબ, ચેપગ્રસ્ત અન્ય વ્યક્તિ ચેપગ્રસ્ત વ્યક્તિના નજીકના સંપર્કમાં આવી હતી.
ચીનમાં સંક્રમણ વધવા પાછળ એક વૃદ્ધ દંપતીનો હાથ છે
એવું કહેવામાં આવી રહ્યું છે કે સંક્રમણના મામલા વધવા પાછળ શાંઘાઈમાં રહેતા એક વૃદ્ધ દંપતીનો હાથ છે, જે ઝિયાન સહિત ઘણા શહેરોમાં ગયા હતા અને તેઓ કોવિડ-19થી પીડિત હોવાનું જાણવા મળ્યું હતું. આ પછી અધિકારીઓએ દંપતીના સંપર્કમાં આવેલા લોકોને શોધવાનું કામ શરૂ કર્યું. ત્રણ દિવસમાં, તેના નજીકના સંપર્કમાં આવેલા સેંકડો લોકોને શોધી કાવામાં આવ્યા હતા અને તેની સાથે મુસાફરી કરી ચૂકેલા પાંચ લોકો પણ પાછળથી સંક્રમણ લાગ્યા હતા.હોંગકોંગની સ્થાનિક મીડિયા રિપોર્ટ અનુસાર, આ સમય દરમિયાન ઘણા શહેરોમાં મોટા પાયે તપાસ હાથ ધરવામાં આવી હતી અને જ્યાં પણ ચેપગ્રસ્ત લોકો ગયા હતા, તેઓને બંધ કરી દેવામાં આવ્યાં હતા.
રશિયામાં પરિસ્થિતિને ધ્યાનમાં રાખીને 7 નવેમ્બર સુધી રજા જાહેર કરાઈ
બીજી બાજુ, રશિયામાં શનિવારે 1,075 લોકો કોરોના વાયરસથી મૃત્યુ પામ્યા હતા, જે રોગચાળા દરમિયાન એક દિવસની સૌથી વધુ સંખ્યા છે. સરકારના કોરોના વાયરસ ટાસ્ક ફોર્સના અહેવાલ મુજબ, છેલ્લા 24 કલાક દરમિયાન દેશમાં ચેપના 37,678 નવા કેસ નોંધાયા છે. દૈનિક મૃત્યુ દર સપ્ટેમ્બરના અંતમાં નોંધાયેલા કરતાં લગભગ 33% વધારે છે અને છેલ્લા મહિનામાં ચેપના કેસોમાં લગભગ 70% નો વધારો થયો છે. તમને જણાવી દઈએ કે, રશિયામાં 146 મિલિયન લોકોમાંથી, માત્ર એક તૃતિયાંશ લોકોને કોરોનાની રસી આપવામાં આવી છે. રશિયામાં કોવિડ-19ની બગડતી પરિસ્થિતિને ધ્યાનમાં રાખીને રાષ્ટ્રપતિ વ્લાદિમીર પુતિને 30 ઓક્ટોબરથી 7 નવેમ્બર સુધી રજા જાહેર કરી છે. રશિયામાં શનિવારે 1,075 લોકોના મૃત્યુ સાથે, દેશમાં રોગચાળાને કારણે જીવ ગુમાવનારા લોકોની કુલ સંખ્યા વધીને 2,229, 582 થઈ ગઈ છે, જે યુરોપમાં સૌથી વધુ છે.