Discover / વૈજ્ઞાનિકોની 50 વર્ષની મહેનત રંગ લાવી, શોધાયું નવું બ્લડ ગ્રુપ, જાણો કોના માટે ફાયદાકારક

અત્યાર સુધી ચાર પ્રકારના જ બ્લડ ગ્રુપ વિશે જાણકારી ઉપલબ્ધ હતી. પરંતુ વૈજ્ઞાનિકોએ હવે નવું બ્લડ ગ્રુપ પણ શોધી કાઢ્યું છે. તેનાથી બીમાર વ્યક્તિઓને ફાયદો થવાનું અનુમાન છે. આ રિસર્ચમાં વૈજ્ઞાનિકોને 50 વર્ષ જેટલો સમય લાગ્યો છે. વૈજ્ઞાનિકોને આ રેયર બ્લડ ગ્રુપની જાણકારી તો હતી પરંતુ તે કેવી રીતે ફાયદાકારક સાબિત થશે તેની જાણકારી મેળવવાની બાકી હતી.

વધુ વાંચો : તમે જીભથી પણ કરી શકો બીમારીની ઓળખ, જો આ લક્ષણો દેખાય તો ડોક્ટર પાસે દોડજો

• આ રીતે થઈ બ્લડ ગ્રુપની ઓળખ
  આ બ્લડ ગ્રુપની ઓળખ NHS બ્લડ એન્ડ ટ્રાન્સપ્લાન્ટ (NHSBT)ના શોધકર્તાઓએ કરી છે. તે બ્લડ ગ્રુપનું નામ "MAL" છે. જેની શોધ દરમિયાન ઘણા ખુલાસા થયા છે. આ શોધથી તેવા દર્દીઓને ફાયદો થશે જેમનું બ્લડ ગ્રુપ રેયર હોય.

• આ રિસર્ચથી કયા લાભ થશે?
  હવે બ્લડ ડોનેટની પ્રક્રિયા આસાન થઈ જશે. ડૉક્ટર અસાનીથી તે બાબતની જાણકારી મેળવી શકશે કે કયા દર્દીને કયું બ્લડ ગ્રુપ જોઈએ છે. જે લોકોનું બ્લડ ગ્રુપ રેયર હશે તેમનો ઇલાજ કરવો આસાન બનશે. તેમની દવા પણ આસાનીથી બનશે.

ઉલ્લેખનીય છે કે, AnWj એન્ટીજન એક ખાસ પ્રકારનું એન્ટીબોડી છે, જેને વિદેશી એન્ટીબોડી પણ કહેવાય છે. આ એન્ટીબોડીની ઉણપને કારણે માણસને ઘણા રોગોથી લડવામાં મુશ્કેલી પડે છે. હવે નવી રિસર્ચથી તેવા લોકોની ઓળખ થઈ શકશે જે આ એન્ટીબોડીના પેશન્ટ હશે. જીનોટાઈપિંગ પ્લેટફોર્મથી AnWJ નેગેટિવ બ્લડ ડોનર્સ અને રિસિવર્સ બન્નેની ઓળખ થઈ શકશે. આ રિસર્ચથી સુરક્ષિત બ્લડ ટ્રાન્સફ્યૂઝનની અપેક્ષા છે. આ સાથે બ્લડ ડોનેશનમાં ઇજાફો થઈ શકે છે.