ક્રિકેટ / BCCIના નવા અધ્યક્ષની ક્રિકેટ કારકિર્દી ગાંગુલી જેટલી સફળ નથી પણ ભારત માટે ખૂબ ખાસ ખેલાડી રહ્યા છે બિન્નીની, જાણો વિગત

• રોજર બિન્ની બન્યા BCCIના નવા પ્રમુખ
• કેવી રહી રોજર બિન્નીની અત્યાર સુધીની સફર 
• ભારત માટે રમનાર પ્રથમ એંગ્લો-ઈન્ડિયન

ભારતના ભૂતપૂર્વ ઓલરાઉન્ડરને બોર્ડની કમાન સોંપવામાં આવી હતી. બિન્નીએ સૌરવ ગાંગુલીનું સ્થાન લીધું છે. મંગળવારે યોજાયેલી BCCIની વાર્ષિક સામાન્ય સભા (AGM)માં આ નિર્ણય લેવામાં આવ્યો હતો. જણાવી દઈએ કે BCCI અધ્યક્ષ પદ માટે 67 વર્ષીય રોજર બિન્ની એકમાત્ર ઉમેદવાર હતા. તેમના સિવાય કોઈએ નોમિનેશન ભર્યું નહતું. રોજર બિન્નીને બિનહરીફ રીતે BCCIના નવા પ્રમુખ તરીકે ચૂંટવામાં આવ્યા છે. રોજર બિન્ની કર્ણાટક સ્ટેટ ક્રિકેટ એસોસિએશનના અધ્યક્ષ છે પણ હવે તેઓ બીસીસીઆઈ પ્રમુખ બનતાની સાથે જ આ પદ છોડી દેશે.

Former India cricketer Roger Binny appointed as the next BCCI President taking over from Sourav Ganguly.

(File Pic) pic.twitter.com/Tndldfc2el

— ANI (@ANI) October 18, 2022

આપણે બધા સૌરવ ગાંગુલીને ઓળખી છીએ અને એમનું નામ ભારતીય ક્રિકેટમાં ઘણું મોટું છે પણ રોજર બિન્ની પણ તેનાથી ઓછા નથી. રોજર બિન્નીની ક્રિકેટ કારકિર્દીના આંકડા ભલે સૌરવ ગાંગુલીના આંકડા જેટલા મોટા ન હોય પણ રોજર બિન્ની ભારત માટે ખૂબ જ ખાસ ખેલાડી રહ્યો છે. આજે અમે તમને રોજર બિન્નીનો ઇતિહાસ અને જીવનની ખાસ બાબતો શું છે? આ વિશે જણાવવા જઈ રહ્યા છીએ. 

કેવી રહી રોજર બિન્નીની સફર 
જણાવી દઈએ કે રોજર બિન્નીની અહિયાં સુધી પંહોચવાની જર્ની થોડી ફિલ્મી છે.  બિન્નીનો જન્મ એક ગરીબ પરિવારમાં થયો હતો અને તેમના પિતા સાધારણ નોકરી કરતા.  તેમ છતાં પણ રોજર બિન્નીએ દેશ માટે આંતરરાષ્ટ્રીય ક્રિકેટ રમી અને વર્લ્ડ કપ જીત્યું હતું અને હવે તે BCCIના ચીફ બની ગયા છે.

રોજર બિન્નીના પિતા રેલવે ગાર્ડ હતા
મૂળ સ્કોટલેન્ડ પણ રોજર બિન્નીના  છેલ્લા ચાર વંશજો ભારતમાં રહેતા. એવા બિન્ની 1983માં વર્લ્ડ કપ જીતનાર ભારતીય ટીમનો ભાગ હતા. તેમના પિતા રેલ્વેમાં ગાર્ડ તરીકે નોકરી કરતા હતા અને તેમની સતત બદલી થતી રહી. આ કારણેબિન્નીને બોર્ડિંગ સ્કૂલમાં મૂકવામાં આવ્યો હતો. બિન્ની પોતાની શાળા માટે હોકી, ફૂટબોલ અને એથ્લેટિક્સ ઈવેન્ટ્સમાં ભાગ લેતો હતો. જણાવી દઈએ કે 1973માં બિન્નીએ અંડર-18 ભાલા ફેંકનો રાષ્ટ્રીય રેકોર્ડ બનાવ્યો હતો.

ભારત માટે રમનાર પ્રથમ એંગ્લો-ઈન્ડિયન
1973 માં એમને કર્ણાટક સ્કૂલ તરફથી ક્રિકેટ રમવાનું શરૂ કર્યું હતું અને 1975માં એમની પસંદગી કર્ણાટક ટીમમાં થઈ હતી. એ પછી થોડા જ સમયમાં એમને બેંગ્લોરમાં પાકિસ્તાન સામે ટેસ્ટ ડેબ્યૂ કરવાની તક આપવામાં આવી હતી અને એ સાથે જ તેઓ ભારત માટે ક્રિકેટ રમનાર એંગ્લો-ઈન્ડિયન બન્યા હતા. એ પછી 1983ના વર્લ્ડ કપમાં એમને 8 મેચ રમી જેમાં 18 વિકેટ ઝડપી હતી. આ સાથે સૌથી વધુ વિકેટ લેનાર બોલર બન્યા હતા. 

રોજર બિન્નીનો આંતરરાષ્ટ્રીય રેકોર્ડ
રોજર બિન્ની 1979-87 દરમિયાન ભારત માટે 27 ટેસ્ટ અને 72 વન-ડે ઈન્ટરનેશનલમાં ભાગ લીધી હતો. એમને વર્ષ 1979માં પાકિસ્તાન સામે બેંગ્લોર ટેસ્ટ દ્વારા આંતરરાષ્ટ્રીય ક્રિકેટમાં એન્ટ્રી કરી હતી. જણાવી દઈએ કે બિન્નીએ પોતાની ટેસ્ટ ક્રિકેટણઆ કરિયરમાં 3.63ની એવરેજથી 47 વિકેટ લીધી હતી અને વન-ડે ઈન્ટરનેશનલમાં 29.35ની એવરેજથી 77 વિકેટનો રેકોર્ડ છે. આ સિવાય ટેસ્ટમાં 830 રન અને વન ડેમાં 629 રન બનાવ્યા હતા. 

સિલેક્ટર બનવા પર થયો હતો વિવાદ 
પહેલા કર્ણાટક ક્રિકેટ એસોસિએશનના પ્રમુખ હતા અને વર્ષ 2012માં તેમને નેશનલ સિલેક્ટર બનાવવામાં આવ્યા હતા. વર્ષ 2015 વર્લ્ડ કપ માટે એમને ટીમ ઈન્ડિયાની પસંદગી કરી હતી જેમાં એમના પુત્ર સ્ટુઅર્ટ બિન્ની એમને સિલેકટ કર્યો હતો. જણાવી દઈએ કે આ અંગે ઘણા વિવાદો થયા હતા અને બિન્ની પર પક્ષપાતનો આરોપ લગાવવામાં આવ્યો હતો. હવે બિન્ની બીસીસીઆઈના નવા પ્રમુખ બન્યા છે.