રિઝર્વ બેંક ઓફ ઇન્ડિયાએ સીનિયર સિટીઝનને બેંકિંગ સેવાઓમાં કેટલીક નવી સુવિધાઓ આપી છે. એ હેઠળ હવે બેંક સીનિયર સિટીઝનને ડોર સ્ટેપ બેંકિંગ, ફ્રી ચેક બુક, બ્રાંચમાં અલગ કાઉન્ટર જેવી ઘણી સુવિધાઓ પૂરી પાડશે.
રિઝર્વ બેંકે 9 નવેમ્બર 2017માં જ બેંકોને આ સંબંધે નિર્દેશ આપ્યા હતા. હાલના દિવસોમાં આરબીઆિએ આ માટે જાગરૂકતા લાવવાની પહેલ શરૂ કરી છે. આરબીઆઇ અનુસાર, 70 વર્ષથી વધારે ઉંમરના વરિષ્ઠ નાગરિક અને દિવ્યાંગ જનોને બેંકો તરફથી કેટલીક મૂળભૂત સુવિધાઓ ઉપલબ્ધ કરાવવી ફરજીયાત છે.
ડોર સ્ટેપ બેંકિંગ
ડોર સ્ટેપ બેંકિંગનો અર્થ છે કે બેંકનો કોઇ પ્રતિનિધિ તમારા ઘરે આવીને બેંકની સુવિધા આપે છે. જેમ કે રોકડ આપવી અથવા જમા કરવી. ચેક ડિમાન્ડ ડ્રાફ્ટની સુવિધા, ઘરે આવીને KYC કરી, આ તમામ સુવિધાઓ બેંકિંગ રેગુલેશન એક્ટ, 1949ના સેક્શન 23 હેઠળ આપવામાં આવશે.
15G/H ફોર્મ ભરવું
બેંકને વર્ષમાં એક વખત સીનિયર સિટીઢન અને દિવ્યાંગ વ્યક્તિઓને 15G/H ફોર્મ ભરવા માટે આપવું જોઇએ. એનાથી એમને ટેક્સમાં સહૂલિયત મળે છે.
ચેકબુકની સુવિધા
બેંકને સીનિયર સીટિઝનને એક વર્ષમાં ઓછામાં ઓછી 25 ચેક સ્લિપ ફ્રી આપવી પડશે. આટલું જ નહીં એના માટે દિવ્યાંગ અને સીનિયર સિટીઝનને બેંકમાં ઉપસ્થિત ના રહેવું પડે. ચેકબુક એમના ઘરે જ પહોંચી જશે.