Attention / હવેથી બેંકના કામકાજના સમય બદલાયા, જાણી લો નહીંતર ધક્કો માથે પડશે

• બેંકના કામકાજના સમયમાં થયો ફેરફાર 
• સરકારી બેન્ક-પ્રાઈવેટ બેન્ક અને કો-ઓપરે‌ટિવ બેન્કના સમયમાં થયો ફેરફાર

નવા વર્ષમાં સરકારી બેન્ક-પ્રાઈવેટ બેન્ક અને કો-ઓપરે‌ટિવ બેન્કના ગ્રાહક માટે કેશની લેવડ-દેવડ કરવા માટેનો સમય સવાર ૧૦થી સાંજના ૪ કલાક સુધી કરવામાં આવ્યો છે.

બેંકના કામકાજનો બદલાયો સમય

આ પહેલાં અત્યાર સુધી અલગ-અલગ બેન્કમાં અલગ-અલગ સમય હતો. કોઈ બેન્ક ૧૦ કલાકે, કોઈ બેન્ક ૧૦.૩૦ કલાકે અને કોઈ બેન્ક ૧૧ કલાકે તો કોઈ બેન્ક સવારના ૯.૩૦ કલાકે ખૂલતી હતી અને બપોરે  3 થી ૩-૪પ સુધી કેશની લેવડદેવડ માટેના સમય પણ અલગ અલગ હતા. હવે તે તમામ સમય એકસરખા થઈ ગયા છે, જેથી હવે બેન્ક સવારના ૧૦થી સાંજના ૪ કલાક સુધી કેશની લેવડ-દેવડ માટે ખુલ્લી રહેશે.

સવારના ૧૦ થી સાંજના ૪ કલાક સુધી થઇ શકશે કામકાજ 

જિલ્લાની બધી બેન્કને યુનિફોર્મ બેન્કમાં ભેળવવામાં આવી છે. આના કારણે દરેક બેન્કમાં સવારના ૧૦ થી સાંજના ૪ કલાક સુધી ગ્રાહક ખાતામાં પૈસાની લેતી-દેતી કરી શકાશે.

SBI, બેન્ક ઓફ બરોડા, આઈડીબીઆઈ, યુકો બેન્ક, યુનિયન બેન્ક, બેન્ક ઓફ ઇન્ડિયા સહિતની બેન્કનો સમય સવારના ૧૦ થી સાંજના ૪ કલાક સુધી ખાતેદારોની પૈસાની લેતી-દેતી માટે એકસરખો કરાયો છે. આ સાથે કો-ઓપરે‌ટિવ બેન્ક, આઈસીઆઈસીઆઈ, એક્સિસ બેન્ક, HDFC બેન્કમાં પણ સમય એકસરખો જ કરવામાં આવ્યો છે.