સફળતા / આ દેશમાં એન્ટિબોડીનો ઉંદર પર સફળ પ્રયોગ, આ એન્ટિબોડીથી કોરોના પર કાબુ મેળવી શકાશે

• આ 47D11 એન્ટિબોડી કોરોના માટે કારગત
• નેધરલેન્ડ્સના વૈજ્ઞાનિકોએ ઉંદર પર પ્રયોગો કર્યા 
• વૈજ્ઞાનિકોએ વ્યક્ત કરી સફળતાની આશા

નેધરલેન્ડ્સના વૈજ્ઞાનિકોએ ઉંદર પર પ્રયોગો કરતી વખતે આ 47D11 એન્ટિબોડીની શોધ કરી છે.  સંશોધન દરમિયાન તેમને જાણવા મળ્યું કે ઉંદરના કોષોમાં હાજર આ એન્ટિબોડી કોરોના પ્રોટીનને પકડીને તેને બ્લોક કરે છે અને તેની અસર ખતમ  કરી નાંખે છે. આ એન્ટિબોડી કોરના વાયરસના માનવ શરીરમાં પહોંચીવામાં મદદ  કરનારી ACE2 એન્ઝાઇમને પકડી લે છે.  સંશોધનકારોએ દાવો કર્યો છે કે આ એન્ટિબોડી ખાસ કરીને કોરોના દર્દીઓની સારવાર કરવામાં મદદ કરશે.

એન્ટિબોડી એટલે શું?

એન્ટિબોડી  પ્રોટીનથી બનેલા રોગપ્રતિકારક કોષો છે. શરીરમાં કોઈ બાહ્ય વસ્તુ પહોંચતાની સાથે જ તેને ચેતવણી આપીને એલર્ટ કરી દે છે. બેક્ટેરિયલ અથવા વાયરલ ચેપ થાય છે, ત્યારે તે વાયરસના બેક્ટેરિયા અથવા ઝેરને નિષ્ક્રિય કરે છે. આ રીતે તે આપણા શરીરમાં રોગપ્રતિકારક શક્તિ તરીકે કામ કરે છે અને ચેપની અસરોને ખતમ કરે છે.

ઉંદર પર સંશોધન

નેધરલેન્ડ્સના સંશોધનકારોએ વિવિધ કોરોના વાયરસના સ્પાઇક પ્રોટીનને પ્રયોગશાળાના ઉંદર કોષોમાં ઇન્જેક્ટ કર્યા. આ વાઇરસમાં સાર્સ, મર્સ, SARS-CoV2 જેવા વાયરસનો સમાવેશ થયો હતો. સંશોધનકારોએ કોરોના ચેપ સામે લડતા ઉંદર માટે 51 એન્ટિબોડીઝને અલગ કરી હતી, જેમાંથી માત્ર 47D11 નામની એન્ટિબોડીઝ કોરોના વાયરસને અટકાવવામાં સફળ રહી હતી.

એન્ટિબોડીઝ અસરકારક સાબિત થશે

સંશોધનકારોએ દાવો કર્યો છે કે જો આ એન્ટિબોડી માનવ શરીરમાં પહોંચાડવામાં આવે છે તો તે વાયરસના ચેપની રીતને બદલશે અને ચેપગ્રસ્ત વ્યક્તિથી બીજા સ્વસ્થ વ્યક્તિમાં વાયરસ ફેલાવવાથી અટકાવે છે. સંશોધનકાર પ્રોફેસર બર્નાન્ડ-જેન બોશ દાવો કરે છે કે આ બંને  (SARS-CoV અને  SARS-CoV2)નું સંક્રમણ રોકવામાં આ એન્ટિબોડી અસરકારક છે. તેના ઉપયોગથી વધતા કોરોના ચેપ પણ ઘણી હદ સુધી અટકાવવી  શકાય છે.