મહામારી / એઈડ્સના દર્દીમાંથી નીકળ્યો કોરોનાનો નવો વેરિયન્ટ! 32 અલગ અલગ 'રૂપ', ભારતમાં અલર્ટ

• કોરોનાના નવા વેરિએન્ટના લઈને નિષ્ણાંતોએ ચિંતા વ્યક્ત કરી  
• 'નુ' વેરિઅન્ટના સ્પાઈક પ્રોટીનમાં અન્ય કોઈપણ વેરિઅન્ટ કરતાં વધુ ભિન્ન છે 
• 'નુ' વેરિઅન્ટના સ્પાઇક પ્રોટીનમાં ફેરફારને કારણે હાલની રસીઓનો પડકાર વધે છે.
    

કોરોનાના નવા વેરિએન્ટના લઈને નિષ્ણાંતોએ ચિંતા વ્યક્ત કરી  

યુકેના આરોગ્ય નિષ્ણાતોએ કોરોનાના નવા પ્રકાર અંગે ચિંતા વ્યક્ત કરતા કહ્યું છે કે આ પ્રકાર 'બોત્સ્વાના'માં જોવા મળ્યો છે અને તે વિશ્વમાં અત્યાર સુધી જોવા મળેલા કોરોનાના પ્રકારોમાં સૌથી વધુ મ્યુટેશન જોવા મળી રહ્યો છે.  બ્રિટિશ અખબારના અહેવાલ અનુસાર   વેરિઅન્ટને 'નુ' (નુ વેરિઅન્ટ) નામ આપવામાં આવ્યું છે. જો કે અત્યાર સુધી આ વેરિઅન્ટના માત્ર 10 કેસ નોંધાયા છે, પરંતુ તે અત્યાર સુધીમાં ત્રણ દેશોમાં ફેલાઈ ચૂક્યો છે અને માનવામાં આવે છે કે આ વેરિઅન્ટનો ફેલાવો ઘણો વધારે છે. નિષ્ણાતોના મતે, આ પ્રકારમાં 32 મ્યુટેશન છે, જે આ વેરિઅન્ટને ખૂબ જ ચેપી અને રસી પ્રતિરોધક બનાવે છે.

'નુ' વેરિઅન્ટના સ્પાઈક પ્રોટીનમાં અન્ય કોઈપણ વેરિઅન્ટ કરતાં વધુ ભિન્નતા છે 

અહેવાલ અનુસાર 'નુ' વેરિઅન્ટના સ્પાઈક પ્રોટીનમાં અન્ય કોઈપણ વેરિઅન્ટ કરતાં વધુ ભિન્નતા છે. રિપોર્ટમાં યુનિવર્સિટી કોલેજ લંડનના જિનેટિકિસ્ટ પ્રોફેસર ફ્રાન્કોઈસ બ્લૉક્સને ટાંકીને કહેવામાં આવ્યું છે કે, 'આ વાઇરસ નબળી રોગપ્રતિકારક શક્તિ ધરાવતા દર્દીમાંથી ઉદભવ્યો હોય તેવું લાગે છે, જેને ગંભીર બીમારી થઈ છે. દર્દી સંભવીત એઇડ્સથી પીડિત છે, જેની સારવાર કરવામાં આવી રહી નથી.

 'નુ' વેરિઅન્ટના સ્પાઇક પ્રોટીનમાં ફેરફારને કારણે હાલની રસીઓનો પડકાર વધે છે.

બીજી બાજુ, ઇમ્પિરિયલ કોલેજના વાઇરોલોજિસ્ટ ડૉ. ટોમ પીકોકે કહ્યું, 'નુ વેરિઅન્ટના સ્પાઇક પ્રોટીનમાં ફેરફારને કારણે હાલમાં ઉપલબ્ધ રસીઓના પડકારો વધે છે. અને વાયરસ સામે લડવું મુશ્કેલ બની શકે છે. તેમણે કહ્યું કે વર્તમાન રસી વાયરસના જૂના પ્રકારો માટે તૈયાર કરવામાં આવી છે.ડૉ. ટોમ પીકોકે કહ્યું કે નવા વેરિઅન્ટના મ્યુટેશન ખૂબ જ ખતરનાક છે,  તમને  જણાવી દઈએ કે આ વેરિઅન્ટના ઈન્ફેક્શનને ઓળખનારા ડૉ. ટોમ સૌથી પહેલા હતા. આ વેરિઅન્ટને વૈજ્ઞાનિક રીતે B.1.1.529 નામ આપવામાં આવ્યું છે. નિષ્ણાતોએ આ વેરિઅન્ટને ડેલ્ટા વેરિઅન્ટ કરતાં વધુ ખતરનાક ગણાવ્યું છે અને કહ્યું છે કે આ વેરિઅન્ટથી વધુ ખતરનાક કંઈ હોઈ શકે નહીં.

જો કે, નિષ્ણાંતો કહ્યું છે કે, વેરિઅન્ટમાં બહુ મ્યુટેશન હોવાથી આ સ્ટ્રેન અસ્થિર પણ થઈ શકે છે. જો કે,  આ સ્ટ્રેન વિરૂદ્ઘ પણ કામ કરી શકે છે. અને ખૂબ વધુ સંક્રમણ થવાથી પણ રોકી શકે છે. નિષ્ણાંતોએ કહ્યું કે, આ વેરિઅન્ટને લઈને સૌથી વધુ પરેશાન થવાની જરૂર નથી. કારણકે હજી સુધી આ પર્યાપ્ત પુરવા નથી કે આ વેરિઅન્ટ બહુ વધારે સંક્રમિત છે. 
 
અત્યાર સુધીમાં B.1.1.529 વેરિઅન્ટના કેટલા કેસ

જણાવી દઈએ કે અત્યાર સુધીમાં આ વેરિઅન્ટના ત્રણ કેસ બોત્સ્વાનામાં અને 6 કેસ દક્ષિણ આફ્રિકામાં મળી આવ્યા છે. તે જ સમયે, હોંગકોંગમાં એક 36 વર્ષીય વ્યક્તિ પણ આ પ્રકારથી ચેપ લાગ્યો છે, જે તાજેતરમાં આફ્રિકાના પ્રવાસેથી પાછો ફર્યો છે. જો કે, બ્રિટનમાં હજુ સુધી આ ચેપનો કોઈ કેસ જોવા મળ્યો નથી.

No case of COVID19 variant B.1.1.529 has been reported in India so far: Official Sources

— ANI (@ANI) November 26, 2021

વિદેશથી ભારતમાં પરત આવેલા લોકોની કડક તપાસના આદેશ

ભારત સરકારે નવા વેરિઅન્ટ અંગે માર્ગદર્શિકા પણ બહાર પાડી છે અને વિદેશ પ્રવાસથી પરત ફરતા લોકોને એરપોર્ટ પર વધુ સાવધાની સાથે તપાસ કરવા માટે કહેવામાં આવ્યું છે. જો કે, ભારતમાં આ પ્રકારથી ચેપનો કોઈ કેસ જોવા મળ્યો નથી. કેન્દ્રીય આરોગ્ય સચિવ રાજેશ ભૂષણે રાજ્યોને પત્ર મોકલીને માર્ગદર્શિકામાં સમાવિષ્ટ 'જોખમમાં' દેશોના મુસાફરોની કડક તપાસ અને સ્ક્રિનિંગ કરવા નિર્દેશ આપ્યો છે.જો કે,રાહતની વાતએ છે કે,આ વેરિઅન્ટનો કોઈ કેસ હજી સુધી દેશમાં નોધાયો નથી

દેશમાં રસીના 120 કરોડ ડોઝ લાગુ કરવામાં આવ્યા છે

જો કે, ગુરૂવાર સુધીમાં દેશમાં કોવિડ વિરોધી રસીના 120 કરોડથી વધુ ડોઝ આપવામાં આવ્યા છે. કેન્દ્રીય સ્વાસ્થ્ય મંત્રી મનસુખ માંડવિયાએ ટ્વીટ કર્યું, "અત્યાર સુધીમાં રસીના 120 કરોડથી વધુ ડોઝ આપવામાં આવ્યા છે અને આ સાથે વડા પ્રધાન નરેન્દ્ર મોદીનું હર ઘર દસ્તક અભિયાન મહામારી સામેની ભારતની લડાઈને મજબૂત કરવાનું ચાલુ રાખે છે."