તમારા કામનું / ઉનાળામાં નવું AC લેવાનો પ્લાન હોય તો આ વાતોનું રાખો ખાસ ધ્યાન, ફાયદામાં રહેશો

• ગરમીની શરૂઆત થઈ ગઈ 
• AC લેવાનું વિચારી રહ્યા હોવ તો વાંચી લેજો 
• આ ટિપ્સ લાગશે કામ

આગામી થોડા દિવસોમાં જ ઉનાળાની કાળઝાળ ગરમી પડવાની શરૂ થઈ જશે. જો આ વખતે ઉનાળો આવે તે પહેલા તમે તમારા માટે કે પરિવાર માટે નવું એસી ખરીદવા જઈ રહ્યા છો. તો આજે અમે એવી જ કેટલીક ટિપ્સ વિશે જણાવવા જઈ રહ્યા છીએ જેનાથી નવું એસી પસંદ કરવામાં સરળતા રહેશે. 

ACના પ્રકાર
ઘરના એસી મુખ્યત્વે બે પ્રકારના હોય છે, જેમાંથી એક વિન્ડોઝ અને બીજું સ્પ્લિટ એસી છે.  વિંડોઝ ACની સૌથી મોટી વિશેષતા એ છે કે તે ખૂબ જ સસ્તુ છે. જ્યારે તેમાં મર્યાદિત સંખ્યામાં સ્માર્ટ ફીચર્સ જોવા મળે છે. તેમને ફિટ કરવું સરળ છે.

ઉનાળાની મધ્યમાં એટલે કે મે, જૂન અને જુલાઈમાં શહેરોનું તાપમાન 35-42 ડિગ્રી સેલ્સિયસ સુધી પહોંચે છે. આવી સ્થિતિમાં, ઘરને ઠંડુ કરવા માટે એર કંડિશનર સૌથી અસરકારક છે.

સ્પ્લિટ એસી
સ્પ્લિટ એસી મજબૂત ડિઝાઇન અને ઘણી અદ્યતન સુવિધાઓ સાથે આવે છે. તેનું કોમ્પ્રેસર અલગ છે. આવી સ્થિતિમાં તે ઘરની અંદર એકદમ કોમ્પેક્ટ અને સ્ટાઇલિશ લાગે છે. ફીચર્સ વિશે વાત કરીએ તો, તે કોઈ અવાજ નથી કરતું, પરંતુ તેને ઇન્સ્ટોલ કરવું મુશ્કેલ છે. આમાં લીકેજ જલ્દી સામે આવે છે.

એસી લેતા પહેલા રૂમની સાઈઝનું ધ્યાન રાખવું જોઈએ, ત્યારબાદ જ એસીની ક્ષમતા નક્કી કરવી જોઈએ. ખરેખર, 100 ચોરસ ફૂટ માટે 0.8 ટનનું AC વાપરી શકાય છે, જ્યારે 1500 ચોરસ ફૂટના રૂમ માટે 1 ટન ક્ષમતાવાળા ACનો ઉપયોગ કરી શકાય છે.