ભારતમાં ઇન્ટરનેટ યુઝર્સ માટે કસ્ટમર કેર સ્કેમ એક મોટી સમસ્યા છે. ઘણી વાર આ પ્રકારના સ્કેમમાં લોકોને મોટુ નુકસાન થઇ જાય છે. જો કોઇ કંપનીના કસ્ટમર કેર નંબર જાણવા માટે યુઝર તેને ગુગલ પર સર્ચ કરે છે તો કસ્ટમર કેર નંબર પહેલા રિઝલ્ટ નકલી હોય છે. જેને ફ્રોડ લોકો ઓપરેટ કરે છે અને તમારા અકાઉન્ટમાંથી પૈસા પણ ગાયબ થઇ જાય છે.
સાયબર ક્રાઇમ વધી રહ્યું છે
કસ્ટમર કેરવાળા મેસેજ કરવા ઇગ્નોર
રિમોટ એક્સેસવાળી ઍપ ન કરવી ઇન્સટોલ
રિમોટ કંટ્રોલવાળા ઍપ ખતરનાક હોય છે
કસ્ટમર કેર ફ્રોડમાં સૌથી મોટુ હથિયાર રિમોટ કંટ્રોલ વાળી ઍપ હોય છે. આ સ્કેમર એ રીતે સ્કેમને અંજામ આપે છે કે મોબાઇલ યુઝર તેમના એન્ડ્રોઇડ ફોન પર રિમોટ ડેસ્કટોપ ઍપ ડાઉનલોડ કરવા માટે મજબૂર થાય છે.
આ સાયબર ઠગ લોકોને મેસેજ દ્વારા એક લિંક મોકલે છે અને રિમોટ એક્સેસવાળી કોઇ ઍપને ડાઉનલોડ કરવા માટે કહે છે પરંતુ લોકોને તે વાતનો ખ્યાલ નથી રહેતો કે આ ઍપ ડાઉનલોડ કર્યા બાદ તેમના ફોનનો સમગ્ર કંટ્રોલ તે ફ્રોડ વ્યક્તિ પાસે જતો રહે છે. બાદમાં આ સ્કેમર ફોનમાં સ્ક્રિન રેકોર્ડિંગ શરૂ કરી દે છે અને ઓટીપી જાણી લે છે.
આ ઍપ્સને ન કરો ડાઉનલોડ
1. TeamViewer QuickSupport
2. Microsoft Remote desktop
3. AnyDesk Remote Control
4. AirDroid: Remote access and File
5. AirMirror: Remote support and Remote control devices
6. Chrome Remote Desktop
7. Splashtop Personal- Remote Desktop
તમને જણાવી દઇએ કે રિમોટ કંટ્રોલવાળા મેલવેયર ઍપ નથી હોતા. આ મોટા કામના ઍપ હોય છે પરંતુ જ્યારે તેનો ખોટો ઉપયોગ થાય છે તો તે ઘણુ જ ખતરનાક સાબિત થઇ શકે છે. જેના કારણે યુઝરનું ઘણુ નુકસાન થઇ જાય છે.