કામની વાત / કદી નહીં રહો ગરીબ, સદાય રહેશે પૈસાની ભરમાર, 'ગાંઠે બાંધી' લેજો આ 5 વસ્તુઓ

હાલની પેઢીને મોજ શોખ પાછળ ખર્ચા કરવાની ટેવ છે. જેમાં જરૂર પડે તો કોઈની પાસે ઉછીના પૈસા પણ લેવામાં આવે છે. પહેલા લોકો બચત કરવામાં માનતા હતા જેથી જરૂર પડે ત્યારે કોઈની સામે હાથ લાંબો ન કરવો પડે. પરંતુ હવે વધુ ખર્ચ કરવાથી નાણાકીય સ્થિતિ બગડવાનું જોખમ વધી ગયું છે. જેથી આજે અમે તમને એવી પાંચ ટિપ્સ જણાવીશું જેને અપનાવવાથી ગરીબી તમારી આસપાસ ફરકશે પણ નહીં.

• આવક અને ખર્ચનું બજેટ
  દર મહિને તમારું આવક અને ખર્ચનું બજેટ બનાવો. આ બજેટ બનાવવાથી તમારા ખર્ચાઓને મેનેજ કરવામાં મદદ મળશે. જે તમને બિનજરૂરી ખર્ચ કરવાથી પણ રોકશે અને બચતની આદત પડશે.

• ઈમરજન્સી ફંડ બનાવો
  જિંદગીમાં નાણાકીય રીતે ખરાબ સમય ગમે ત્યારે આવી શકે છે. જેથી અગાઉથી જ તેની તૈયારી કરવી જરૂરી છે. જે લોકો ખરાબ સમય માટે અગાઉથી તૈયાર હોય તેઓ સંકટમાંથી બચી જતા હોય છે. આથી તમારી છ મહિનાની માસિક આવક જેટલું ઇમરજન્સી ફંડ જરૂરથી બનાવીને રાખો.

• ફાયનાન્શિયલ ગોલ સેટ કરો

ટાર્ગેટ સેટ કર્યા વગર રોકાણ કરવાથી તમારું લક્ષ્ય હાંશીલ નથી થતું. બાળકોના ભણતર, લગ્ન, ઘર વગેરે જેવા મોટા ખર્ચાઓ માટે અગાઉથી આયોજન કરીને રાખવું. નાણાકીય આયોજન માટે આ પ્રકારના મોટા ખર્ચાઓને પ્રાથમિકતા આપો અને તે મુજબ રોકાણ કરો.

• સ્વાસ્થ્ય વીમો
  અત્યારે સારવારનો ખર્ચ વધી ગયો છે. જેથી સ્વાસ્થ્ય વીમો ખૂબ જ મહત્વનો બની ગયો છે. આથી સ્વાસ્થ્ય વીમો લેવો ખૂબ જરૂરી છે. સાથે ટર્મ ઇન્શ્યોરન્સ પણ જરૂરથી લો. ફેમિલીની સેફ્ટી માટે આ  મહત્વનું છે. માત્ર એમ્પ્લોયર દ્વારા આપવામાં આવતા વીમા કવચ પર આધાર ન રાખો.

વધુ વાંચો : આવી રહ્યો છે દેશનો અત્યાર સુધીનો સૌથી મોટો IPO! જે તોડશે હ્યુન્ડાઇનો રેકોર્ડ, બ્લુ પ્રિન્ટ તૈયાર

• રિટાયરમેન્ટનું પ્લાનિંગ

ઘણા લોકો રિટાયરમેન્ટના પ્લાનિંગ સિવાય બીજા તમામ પ્રકારનું રોકાણ કરી લેતા હોય છે. પણ તમે આવી ભૂલ ન કરો. ફાયનાન્શિયલ પ્લાનિંગમાં નિવૃત્તિનું આયોજન ખૂબ મહત્વનું છે. એના માટે તમારી પ્રથમ નોકરીથી જ આ પ્લાનિંગ કરવું જોઈએ. તમે એના માટે જેટલું વહેલું રોકાણ કરશો તેટલું વધારે ફંડ ભેગુ કરી શકશો.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ