આમ તો દરેક સીઝનમાં સ્કિનની ખાસ કાળજી રાખવી જરૂરી છે નહીંતર સ્કિન ઉંમર પહેલાં જ વૃદ્ધ દેખાવા લાગે છે અને સ્કિન સંબંધી સમસ્યાઓ પણ વધી જાય છે, પરંતુ શિયાળામાં સ્કિનની થોડી વધારે કાળજી રાખવી પડે છે, કારણ કે આ સીઝનમાં સ્કિન રફ અને ડ્રાય કરી દે છે અને તેનાથી બચવા માટે કેમિકલવાળી પ્રોડક્ટ્સનો ઉપયોગ બધાં કરવા લાગે છે. પણ જો તમારે સ્કિનને મોટી ઉંમર સુધી હેલ્ધી અને યંગ રાખવી હોય તો ઘરેલૂ ઉપાય જ કરવા. પણ કેટલીક વસ્તુઓ શિયાળામાં ચહેરા પર ન લગાવતાં નહીં તો સ્કિન થઈ જશે ખરાબ.
શિયાળામાં સ્કિનને લગતી આ ભૂલ ન કરતાં
આ સીઝનમાં ઘરેલૂ ઉપાય કરો તો ધ્યાન રાખજો
આટલી વસ્તુઓ ચહેરા પર ન લગાવતા
લીંબુની એસડિક પ્રોપર્ટી નુકસાનકારક
લીંબુ સુંદરતા વધારવામાં પણ ખૂબ જ ફાયદાકારક છે. તેમાં ભરપૂર વિટામિન સી હોય છે. આ ડેન્ડ્રફથી લઈને ફેસનું એક્સ્ટ્રા ઓઈલ દૂર કરે છે. પણ શિયાળામાં લીંબુનો રસ ફેસ પર ન લગાવવો કારણ કે તેમાં રહેલું સિટ્રિક એસિડ સ્કિનને વધુ ડ્રાય કરી શકે છે. પણ હાં જો તમે લીંબુના રસમાં ગ્લિસરીન, ગુલાબજળ મિક્સ કરીને લગાવશો તો તેનાથી સ્કિન શાઈની, સોફ્ટ બનશે.
બટાકાનો રસ ન લગાવતા
આમ તો બટાકાનો રસ સ્કિન માટે સારો માનવામાં આવે છે. બટાકામાં બ્લીચિંગ એજન્ટ હોવાથી તેમાં સ્કિન લાઈટનિંગના ગુણ હોય છે. તેનાથી ડાઘ દૂર થાય છે પણ શિયાળામાં બટાકાનો ઉપયોગ સ્કિન પર કરવો નહીં. કારણ કે તેનાથી સ્કિનમાં ડ્રાયનેસ વધી શકે છે અને સ્કિન ડલ પણ થઈ શકે છે. તમે તેમાં થોડું મધ મિક્સ કરીને લગાવી શકો છો.
વેસલીન લગાવવાની ભૂલ ન કરતાં
શિયાળામાં ડ્રાય સ્કિનની સમસ્યાથી બચવા ઘણાં લોકો વેસલીનનો ઉપયોગ કરે છે અને લોશનની તુલનામાં એ સારું પણ હોય છે. પણ તે માત્ર હોઠ પર જ લગાવવું જોઈએ, કારણ કે આખા ફેસ પર લગાવીને બહાર નીકળવાથી ધૂળના કણ સ્કિનમાં ચોંટી જાય છે અને પોર્સ બંધ થઈ જાય છે. વેસલીનમાં રહેલું હાઈડ્રોકાર્બન શરીરમાં અંદર જઈને ફેટ સેલ્સમાં જમા થવા લાગે છે જે બહુ જ હાનિકારક છે.
બોડી લોશન ચહેરા માટે નથી
બોડી લોશન સ્કિનને સોફ્ટ બનાવે છે. પણ ભૂલથી પણ બોડી લોશન ફેસ પર લગાવવું નહીં, તેનાથી ફેસનો રંગ કાળો થવા લાગે છે. જી હાં, બોડી લોશન ક્યારેય ફેસ માટે હોતું નથી. જેથી ભૂલથી પણ તેને ચહેરાની કોમળ સ્કિન પર લગાવવું નહીં.
ફુદીનો વધારશે સમસ્યા
ઘણીવાર મહિલાઓ ફુદીનાનો ફેસ માસ્ક લગાવતી હોય છે. પણ તેનો ઉપયોગ શિયાળામાં ફેસ પર લગાવવા માટે કરવો નહીં, નહીં તો ચહેરા પર લાલાશ અને ખીલની સમસ્યા વધી શકે છે અથવા તો તમે તમારા ફેસપેકમાં 1 ચમચી ફુદીનાનો રસ મિક્સ કરીને તેનો ઉપયોગ કરી શકો છો.