કાંટે કી ટક્કર / IND vs NED: નેધરલેન્ડનો આ ખતરનાક ખેલાડી ટીમ ઇન્ડિયા પર પડી શકે છે ભારે, ધરાવે છે T20નો અદભુત રેકોર્ડ

• સિડનીમાં આજે ઇન્ડિયા vs નેધરલેન્ડની મેચ
• મેક્સ ઓ ડૉડ બની શકે છે ભારત માટે મુશ્કલી
• નેધરલેન્ડનાં ઉત્તમ બેટ્સમેન છે ડૉડ

Ind vs Ned: ટીમ ઇન્ડિયા ટી20 વર્લ્ડકપ 2022નાં સુપર 12માં આજે સિડનીના મેદાન પર નેધરલેન્ડની સામે મેચ રમશે. પાકિસ્તાન સામે જો વિજય મેળવી લીધો છે પણ નેધરલેન્ડ પણ પાછળ પડે તેવી ટીમ નથી. નેધરલેન્ડ ટીમે ક્વોલીફાઇંગ રાઉન્ડમાં શાનદાર પર્ફોમન્સ આપતાં સુપર 12 સ્ટેજમાં પોતાનું સ્થાન બનાવ્યું છે. સ્કૉટ એડવર્ડસની કપ્તાનીવાળી ટીમ નેધરલેન્ડમાં ઘણાં સારાં પ્લેયર્સ છે જે સારી ટક્કર આપી શકે છે. તેમની ટીમના મેક્સ ઓ ડૉડ એક એવા ખેલાડી છે જે ટીમ ઇન્ડિયા માટે મુશ્કેલી ઊભી કરી શકે છે.

મેક્સ ઓ ડૉડ છે જોરદાર બલ્લેબાજ
28 વર્ષના  મેક્સ ઓ ડૉડ ટી20માં શાનદાર પર્ફોમન્સ આપી રહ્યાં છે અને ભારત સામેની આ મેચમાં  મેક્સ ઓ ડૉડને લીધે ડચ ટીમને મોટી ઇનિંગની આશા છે. ડૉડે ટી20 વર્લ્ડ કપમાં શ્રીલંકાની સામે ક્વોલિફાઇંગ રાઉન્ડમાં 71 રનોની ગેમ રમી હતી જો કે ટીમ મેચ જીતી શકવામાં નિષ્ફળ રહી હતી. 

ટી20માં શતક બનાવ્યાનો છે તેનો રેકોર્ડ
ડૉડએ અત્યાર સુધીમાં નેધરલેન્ડ માટે 54 ટી20 ઇન્ટરનેશનલ મેચોમાં 30.28ની એવરેજથી 1484 રન બનાવ્યાં છે. તે દરમિયાન ડૉડના બેટથી એક શતક અને 10 અર્ધશતક મરાયા છે. મેક્સનો બેસ્ટ સ્કોર 133 રન રહ્યો છે. ચોંકાવનારી વાત તો એ છે કે નેધરલેન્ડના આ બલ્લેબાજ એક માત્ર એવા ખેલાડી છે જેણે ટી20માં 100 રન ફટકાર્યાં હોય. 

વનડે ક્રિકેટ રમવાનો પણ છે અનુભવ
મેક્સ ઓ ડૉડ નેધરલેન્ડ માટે 20 વનડે ઇન્ટરનેશનલ પણ રમી ચૂક્યાં છે. તે દરમિયાન તેમણે 36.38ની એવરેજની સાથે 655 રન બનાવ્યાં છે જેમાંથી 7 અર્ધશતક રહ્યાં છે. ન્યૂઝીલેન્ડમાં જન્મેલા મેક્સ ઓ ડૉડ ફર્સ્ટ ક્લાસ રમવાનો પણ અનુભવ ધરાવે છે. તેમણે અત્યાર સુધીમાં 5 ફર્સ્ટ ક્લાસ મેચોમાં 326 રન બનાવ્યાં છે. 

ટીમ ઇન્ડિયા:  રોહિત શર્મા (કેપ્ટન), કે.એલ રાહુલ, વિરાટ કોહલી, સૂર્યકુમાર યાદવ, દીપક હુડા, ઋષભ પંત, દિનેશ કાર્તિક, હાર્દિક પંડ્યા, આર અશ્વિન, યુઝવેન્દ્ર ચહલ, અક્ષર પટેલ, ભુવનેશ્વર કુમાર, હર્ષલ પટેલ, અર્શદીપ સિંહ, મોહમ્મદ શમી.

ટીમ નેધરલેન્ડ : સ્કોટ એડવર્ડ્સ (કેપ્ટન), કોલિન એકરમેન, શારિઝ અહેમદ, લોગન વાન બીક, ટોમ કૂપર, બ્રાન્ડોન ગ્લોવર, ટિમ વાન ડેર ગુગેન, ફ્રેડ ક્લાસેન, બાસ ડી લીડે, પોલ વાન મીકરેન, રોલોફ વાન ડેર મેરવે, સ્ટેફન માયબર્ગ, તેજા નિદામાનરૂ, મેક્સ ઓ ડૉડ, ટીમ પ્રિંગલ, વિક્રમ સિંહ