અહો આશ્ચર્યમ્ / શરીરના આ અંગથી આપણે હતા અજાણ, વૈજ્ઞાનિકોને માનવ શરીરમાં મળ્યું નવું અંગ

• નવા અંગને  Tubarial salivary glands નામ અપ્યું
•  આ અંગ નાકના લુબ્રિકેશનમાં મદદ કરે છે
• આ ગ્રંથિઓને અસર ન કરવામાં આવે તો લોકોને લાભ થઈ શકે છે

વૈજ્ઞાનિકોએ શરીરમાં શોધેલા નવા અંગને  Tubarial salivary glands નામ અપ્યું છે. વૈજ્ઞાનિકોનું માનવું છે કે આ અંગ નાકના લુબ્રિકેશનમાં મદદ કરે છે. Radiotherapy and Oncology જર્નલમાં પ્રકાશિત રિપોર્ટ મુજબ વૈજ્ઞાનિકોનું માનવું છે કે જો રેડિએશન ટ્રીટમેન્ટ દરમિયાન આ ગ્રંથિઓને અસર ન કરવામાં આવે તો લોકોને લાભ થઈ શકે છે.

નેધરલેન્ડના એમ્સટર્ડમે કેન્સર ઈન્સ્ટીટ્યૂટના વૈજ્ઞાનિક પ્રોસ્ટેટ કેન્સરની તપાસ માટે તૈયાર કરવામાં આવેલા PSMA PET-CT નામના સ્કેનનું પરિક્ષણ કરી રહ્યા હતા. આ દરમિયાન ડૉક્ટર રેડિયોએક્ટિવ ટ્રેસરને દર્દીના શરીરમાં ઈજેક્ટ કરે છે. રેડિયોએક્ટિવ ટ્રેસરના કારણથી નવા અંગની ખબર પડી છે.

વૈજ્ઞાનિકોનું કહેવું છે કે આ ગ્રંથીઓના જે ગ્રુપની ખબર પડી છે તે 1.5 ઈંચ લાંબુ છે અને તે  salivary glandsની જેમ રહે છે. સ્ટડી દરમિયાન જે 100 દર્દીઓની તપાસ કરવામાં આવી છે. તે તમામમાં આ અંગ હાજર હતુ.