સાવધાન / Netflix યુઝર્સ ખાસ વાંચજો, આ રીતે ઠગી રહ્યા છે ફ્રોડ, એક બાદ એક અનેક યુઝર્સના એકાઉન્ટ થયા ખાલી

• નેટફ્લિક્સ યુઝર્સ ખાસ વાંચજો 
• આ રીતે ગ્રાહકોના એકાઉન્ટ થઈ રહ્યો છે ખાલી 
• ફ્રોડે છેતરપિંડી માટે શોધ્યો નવો રસ્તો 

Netflix સૌથી લોકપ્રિય OTT પ્લેટફોર્મ છે. તેનો ઘણો ઉપયોગ થાય છે. પરંતુ ફિશિંગ સ્કેમે યુઝર્સનું ટેન્શન વધાર્યું છે. એક નવું Netflix ફિશિંગ કૌભાંડ બહાર આવ્યું છે જે યુઝર્સની વ્યક્તિગત અને ક્રેડિટ કાર્ડની માહિતી ચોરી કરવાનો પ્રયાસ કરે છે. એક રિપોર્ટ અનુસાર કૌભાંડમાં એક મહિનામાં ઓછામાં ઓછા પાંચ પીડિતો મળ્યા અને આશરે $12,500 (7 લાખ રૂપિયાથી વધુ)નું નુકસાન થયું.

પોલીસે આપી ચેતાવણી 
સિંગાપોર પોલીસે વીડિયો સ્ટ્રીમિંગ કંપની નેટફ્લિક્સ જેવા વિશ્વસનીય સ્ત્રોતોમાંથી સ્પૂફ ઈમેલ્સ સાથે સંકળાયેલા ફિશિંગ કૌભાંડ અંગે નાગરિકોને ચેતવણી આપી છે અને ચોંકાવનારી વાત એ છે કે આ મેલ સિક્યોરિટી રિઝનનો છે જે આવા કૌભાંડોને રોકવામાં માટે કરવામાં આવ્યો છે.

પોલીસે કહી આ વાત
પોલીસે જણાવ્યું "સ્કેમર્સ યુઝર્સને તેમની મેમ્બરશીપ રિન્યૂ કરવા માટે URL લિંક પર ક્લિક કરવાનું કહે છે". એકવાર પીડિતોએ લિંક પર ક્લિક કર્યા પછી. તેઓને ફિશિંગ વેબસાઇટ્સ પર રીડાયરેક્ટ કરવામાં આવે છે અને તેમની મેમ્બરશીપ રિન્યૂ કરવા માટે તેમની ક્રેડિટ અથવા ડેબિટ કાર્ડ વિગતો અને વન-ટાઇમ પાસવર્ડ (OTP) દાખલ કરવા માટે કહેવામાં આવે છે. વિગતો દાખલ થતાંની સાથે જ સ્કેમર્સ વિગતોની ચોરી કરે છે અને પીડિતોના કાર્ડ પર ફ્રોડ કરે છે.

કોઈ પણ ઈમેલ પર ક્લિક ન કરવું 
Netflix જેવા વિશ્વસનીય સ્ત્રોતોમાંથી હોવાનો દાવો કરતા આવા કોઈપણ ઈમેઈલ પર ક્લિક ન કરવું તેવું પોલીસે જણાવ્યું હતું અને શંકાસ્પદ વેબસાઈટ યુઆરએલના કિસ્સામાં, તેઓએ તપાસ કરવી જરૂરી છે કે ઈમેલ ડોમેન પેમેન્ટની રિક્વેસ્ટ કરતા વેપારી સાથે મેચ થાય છે કે નહીં. યુઝર્સ આ સ્કેમર્સથી પોતાને બચાવવા માટે આ સુરક્ષા પગલાંને પણ અનુસરી શકે છે.

પાસવર્ડ શેરિંગ પર મુકી શકે છે પ્રતિબંધ 
Netflix Password Sharing માટે હવે OTT પ્લેટફોર્મ પૈસા લેવાનું શરૂ કરે છે. તમને જણાવી દઈએ કે ઘણા સમયથી સમાચાર આવી રહ્યા હતા કે નેટફ્લિક્સ ટૂંક સમયમાં પાસવર્ડ શેર કરવાની પ્રક્રિયા પર પ્રતિબંધ મૂકશે અથવા કોઈ એવી યુક્તિ બહાર પાડશે જેના દ્વારા યુઝર્સને તેમના મિત્રો અને સંબંધીઓ સાથે નેટફ્લિક્સ એકાઉન્ટ શેર કરવા માટે પૈસા ચૂકવવા પડશે. તમને એ સાંભળીને દુખ થશે કે Netflix એ આ નિર્ણયનું ટેસ્ટિંગ શરૂ કરી દીધું છે એટલે કે પાસવર્ડ શેરિંગ માટે પૈસા લેવાનું શરૂ કરી દીધું છે.

Password શેર કરવા માટે આવશે નવો વિકલ્પ 
અમે હમણાં જ તમને જણાવ્યું તેમ નેટફ્લિક્સે એક નવી સર્વિસનું ટેસ્ટિંગ કરવાનું શરૂ કર્યું છે. જેના હેઠળ અન્ય લોકો સાથે તેમના પાસવર્ડ શેર કરતા યુઝર્સ પાસેથી વધારાના પૈસા લેવામાં આવે છે. 

Netflixમાં એક નવો વિકલ્પ 'Add a Home Option Netflix' ઉમેરવામાં આવી રહ્યો છે. જેનો ઉપયોગ તે લોકોએ કરવો પડશે જેઓ અન્ય કોઈના Netflix એકાઉન્ટનો પાસવર્ડ વાપરી રહ્યા છે. તમને જણાવી દઈએ કે આ વિકલ્પનો ઉપયોગ કરવો જરૂરી રહેશે. ઉપરાંત તે પેઇડ વિકલ્પ પણ હશે.

Netflix વસુલશે યુઝર્સ પાસેથી પૈસા 
પાસવર્ડ શેર કરનારા યુઝર્સે તેના માટે અલગથી ચૂકવણી કરવી પડશે. જે દેશોમાં આ સુવિધા ઉમેરવામાં આવી રહી છે. તમારે પાસવર્ડ શેર કરવા માટે 'એડ અ હોમ' વિકલ્પનો ઉપયોગ કરવા માટે $2.99 ​​(અંદાજે રૂ. 250) ચૂકવવા પડશે. તમને જણાવી દઈએ કે હાલમાં Netflix એ જણાવ્યું નથી કે ભારતમાં યુઝર્સ પાસેથી પાસવર્ડ શેર કરવા માટે કેટલા પૈસા લેવામાં આવશે.