એમેઝોન પ્રાઈમ અને હોટસ્ટાર બાદ હવે નેટફ્લિક્સ પણ બોલિવૂડની ઘણી મોટી ફિલ્મો સીધી તેના પ્લેટફોર્મ પર લોન્ચ કરવા જઈ રહ્યું છે. આ જ કારણથી છેલ્લા કેટલાક કલાકોથી સોશિયલ મીડિયા પર #ComeOnNetflix ટ્રેન્ડ કરી રહ્યું છે અને બોલિવૂડના ઘણાં મોટા સ્ટાર્સ આ હેશટેગ સાથે ઈન્સ્ટા અને ટ્વિટર પર પોતાના વીડિયો અપલોડ કરી રહ્યાં છે.
કોરોના સંકટમાં થિયેટર્સ પર લાગ્યું ગ્રહણ
હવે બોલિવૂડની આ 10 મોટી ફિલ્મો પણ ઓટીટી પર રિલીઝ થશે
એમેઝોન પ્રાઈમ, હોટસ્ટાર બાદ હવે નેટફ્લિક્સ પર રિલીઝ થશે ફિલ્મો
રિપોર્ટ્સ અનુસાર, આ વર્ષે જુલાઈથી ડિસેમ્બર સુધી બોલિવૂડની ઘણી મોટી ફિલ્મો રિલીઝ થઈ શકે છે. નેટફ્લિક્સ આ સંબંધમાં આજે ઓફિશિયલ જાહેરાત કરશે.
એવું કહેવાઈ રહ્યું છે કે, આ ફિલ્મો સિવાય કિયારા અડવાણીની ફિલ્મ ઈંદૂ કી જવાની, સંજય દત્તની ફિલ્મ ટોરબાજ અને પરિણિતી ચોપડાની ફિલ્મ ધ ગર્લ ઓન ધ ટ્રેન જેવી ફિલ્મો પણ નેટફ્લિક્સ પણ રિલીઝ થઈ શકે છે.
હોસ્ટસ્ટાર પર આવવાની છે આ બોલિવૂડ ફિલ્મો
ઉલ્લેખનીય છે કે, થોડાં સમય પહેલાં જ ડિઝની હોટસ્ટારે ઘોષણા કરી હતી કે, તેના પ્લેટફોર્મ પર 7 બોલિવૂડ ફિલ્મો રિલીઝ થશે. આ ફિલ્મોમાં વિદ્યુત જામવાલની ફિલ્મ ખુદા હાફિઝ, કુણાલ ખેમૂની ફિલ્મ લૂટકેસ, અક્ષય કુમારની ફિલ્મ લક્ષ્મી બોમ્બ, સંજય દત્ત અને આલિયા ભટ્ટની સડક-2, અજય દેવગણ અને સંજય દત્તની ફિલ્મ ભુજ: ધ પ્રાઇડ ઓફ ઇન્ડિયા, અભિષેક બચ્ચનની ધઃ બિગ બુલનો સમાવેશ થાય છે. સાથે જ દિવંગત એક્ટર સુશાંત સિંહ રાજપૂત અને સંજના સંઘીની ફિલ્મ દિલ બેચારા પણ હોટસ્ટાર પર રિલીઝ કરવામાં આવશે.