NETFLIX છેલ્લા ધણા સમયથી પાસવર્ડ શેરિંગને મુશ્કેલ બનાવવાનો પ્રયત્ન કરી રહ્યું છે. ત્યારે હવે નેટફિલક્સે આ માટે એક ઉપાય શોધ્યો છે. જેમાં હવે પાસવર્ડ શેર કરનાર પાસેથી ચાર્જ લેશે.
નેટફિલક્સ પાસવર્ડ શેર કરનાર પાસેથી લેશે ચાર્જ
પાસવર્ડ શેર કરતા ખાતામાંથી લેવામાં આવશે પૈસા
દેશમાં એડ-સપોર્ટ સાથે સસ્તો પ્લાન રજૂ કરવામાં આવ્યા:કંપની
NETFLIX છેલ્લા ધણા સમયથી પાસવર્ડ શેરિંગને મુશ્કેલ બનાવવાનો પ્રયત્ન કરી રહ્યું છે. ત્યારે હવે નેટફિલક્સે આ માટે એક ઉપાય શોધ્યો છે. જેમાં હવે પાસવર્ડ શેર કરનાર પાસેથી ચાર્જ લેશે. કંપનીએ કહ્યું છે કે આવતા વર્ષથી પાસવર્ડ શેર કરતા ખાતામાંથી પૈસા લેવામાં આવશે.
હવે નેટફિલક્સનો પાસવર્ડ શેર કરવો ટૂંક સમયમાં જ મોંધો થઈ રહ્યો છે. જોકે કંપનીએ જાહેરમાં આની જાહેરાત કરી નથી. આવકના પરિણામની જાહેરાત કરતી વખતે, કંપનીએ કહ્યું કે આવતા વર્ષથી જેઓ પાસવર્ડ શેર કરે છે તેઓ પાસેથી વધારાના સભ્યનો ચાર્જ લેવામાં આવશે.
આખરે અમે શેરિંગ એકાઉન્ટનું મુદ્રીકરણ કરી શકીશું
નેટફિલક્સે ત્રિમાસિક કમાણીના અહેવાલ દરમિયાન જણાવ્યું હતું કે આખરે અમે શેરિંગ એકાઉન્ટનું મુદ્રીકરણ કરી શકીશું. વર્ષ 2023 માં તે વહેલી તકે શરુ કરવામાં આવશે. કંપનીએ વધુમાં જણાવ્યું હતું કે ઉપભોક્તા પ્રતિસાદના આધારે અમે ખાતાધારકોને તેમની નેટફિલક્સ પ્રોફાઈલ તેમને પોતાના ખાતામાં ટ્રાન્સફર કરવાની મંજુરી આપીશું.
દેશમાં એડ-સપોર્ટ સાથે સસ્તો પ્લાન રજૂ કર્યા
સાથે સાથે એવું પણ જણાવ્યું હતું કે સરળતાથી તેમના ઉપકરણોને સંચાલિત કરી શકે છે. જો કે આ માટે તેઓએ પૈસા ચૂકવવા પડશે. કંપનીએ વધુમાં કહ્યું કે જે દેશમાં એડ-સપોર્ટ સાથે સસ્તો પ્લાન રજૂ કરવામાં આવ્યા છે. ત્યાં પ્રોફાઈલ ટ્રાન્સફર પીચર વિકલ્પ પણ લોકપ્રિય થશે.
પ્રોફાઈલ ટ્રાન્સફર કરી ચાર્જમાંથી બચી શકશે
સરળ ભાષામાં સમજાવીએ તો જો તમે તમારા બે મિત્રોમાંથી કોઈપણ સાથે નેટફિલક્સ એકાઉન્ટ શેર કરવા માંગો છો, તો તમારે બંને મિત્રો માટે વધારાનો ચાર્જ ચૂકવવો પડશે. જો તેઓ ચૂકવણી કરવા માંગતા ન હોય તો તેઓ તેમની પ્રોફાઈલ ટ્રાન્સફર કરી શકે છે.