બોલીવુડ / આમિર ખાનની ફિલ્મ ફ્લોપ થયા બાદ વધુ એક જોરદાર ઝટકો, કરોડોની ડીલ હાથમાંથી ગઈ!

• નેટફ્લીક્સે કરી આમિર સાથે લાલ સિંહ ચઢ્ઢા ખરીદવાની ડીલ કેન્સલ 
• આમિરની ફિલ્મ લાલ સિંહ ચઢ્ઢા થઈ બોક્સ ઓફિસ પર ફ્લોપ 
• આમિર ખાનને આશા હતી કે તેમની ફિલ્મ 300 કરોડથી વધારે કમાશે

નેટફ્લીક્સે કરી આમિર સાથે લાલ સિંહ ચઢ્ઢા ખરીદવાની ડીલ કેન્સલ 

આમિર ખાનની ફિલ્મ લાલ સિંહ ચઢ્ઢાને લઈને ઘણા પ્રકારની અટકળો લગાવવામાં આવી રહી હતી. માનવામાં આવી રહ્યું હતું કે આ વર્ષની સૌથી મોટી ફિલ્મ બનશે. પરંતુ આ ફિલ્મ  ફ્લોપ સાબિત થઈ છે અને હવે આ ફિલ્મને લઈને એક મોટી અપડેટ સામે આવી છે. રીલીઝ બાદથી જ લાલ સિંહ ચઢ્ઢાએ નિરાશાજનક પ્રદર્શન કર્યું છે. માત્ર બૉયકોટ કલ્ચરે જ નહીં, પણ હવે ઓટીટી પ્લેટફોરમ નેટફ્લીકસએ પણ આમિરની ફિલ્મ પર વાર કર્યો છે. સમાચારો સામે આવી રહ્યા છે કે આમિરની આ ફિલ્મની ડીલને નેટફ્લીકસે કેન્સલ કરી દીધી છે. 

નેટફ્લીક્સ ડીલ થઈ કેન્સલ 
લાલ સિંહ ચઢ્ઢા સિનેમાઘરોમાં પોતાનો જાદૂ ન વિખેરી શકી. આ ફિલ્મ આમિર ખાનની કરિયર માટે મોટી ડિઝાસસ્ટર સાબિત થઈ છે. લાલ સિંહ ચઢ્ઢા જ્યારે રીલીઝ થઈ ન હતી, ત્યારે આમિર ખાને ડિજિટલ રાઇટ્સને વહેંચવા માટે ઘણી મોટી રકમની ડિમાન્ડ કરી હતી. આમિર ખાન નેટફ્લીક્સ પર લાલ સિંહ ચઢ્ઢાનાં રીલીઝ થવાથી ખૂબ જ ખુશ હતા. તેમણે નેટફ્લીક્સને 150 કરોડ રૂપિયાથી પણ વધારેની ડિમાન્ડ કરી હતી. 

આમિર ખાનને થયું નુકસાન 
રિપોર્ટ્સ અનુસાર, આમિરે શરત રાખી હતી કે લાલ સિંહ ચઢ્ઢાને ફિલ્મ રીલીઝનાં 6 મહિના બાદ ઓટીટી પર લાવવામાં આવે. નેટફ્લીક્સ ઘણા સમય સુધી આમિરને થીએટ્રીકલ અને ઓટીટી રીલીઝ વચ્ચે ડિફરન્સને ઘટાડવા માટે મનાવતી રહી. આ ઉપરાંત, નેટફ્લીક્સ આમિર ખાનને 80થી 90 કરોડ આપી રહી હતી, જેથી આમિર ખાન તૈયાર ન હતા. 

​​​​​​​

આમિર ખાન પોતાની ફિલ્મને થયેલા નુકસાનની ભરપાઈ કરવા માટે ફિલ્મને વધારે કિંમતમાં વહેંચવાની કોશિશ કરી રહ્યા છે. તેઓ નેટફ્લીક્સ પાસે વધારે કિંમતની માંગ કરી રહ્યા છે. આમિર ખાન એ આશામાં હતા કે તેમની ફિલ્મ 300 કરોડથી વધારે કમાશે. આ જ આશાને કારણએ તેઓ ડિજિટલ પ્લેટફોર્મ માટે ઉતાવળ કરી રહ્યા ન હતા. તેમને લાગ્યું કે ફિલ્મ સારું પરફોર્મ કરશે અને ઓટીટી પ્લેટફોર્મ શરત માની લેશે પણ આમ થયું નહીં. હવે નેટફ્લીક્સે પણ તેમની ફિલ્મને ખરીદવાથી હાથ ઊંચા કરી લીધા છે.