ગુજરાતમાં પ્રથમ તબક્કાની ચૂંટણીમાં મતદાન કરવા માટે મતદારોની ઠેર ઠેર લાંબી લાઈનો જોવા મળી રહી છે. ત્યારે સુરતના વરાછા બેઠક પર મતદાન મથકો પર મતદારોની મતદાન કરવા માટે લાંબી લાઈનો જોવા મળી હતી.
વિધાનસભાની પ્રથમ તબક્કાની ચૂંટણીમાં મતદાનનો પ્રારંભ
વરાછા બેઠકના બન્ને કટ્ટર હરીફ સાથે જોવા મળ્યા
વરાછાના ભાજપ અને AAPના ઉમેદવાર સાથે જોવા મળ્યા
ગુજરાત વિધાનસભાની પ્રથમ તબક્કાની ચૂંટણીમાં મતદાનનો પ્રારંભ થઈ ગયો છે. ત્યારે સુરતના લોકોમાં વોટીંગ માટે ઉત્સાહ જોવા મળી રહ્યો છે. ત્યારે વહેલી સવારથી મતદાન મથકો પર મતદાન કરવા મતદારોની લાંબી કતારો જોવા મળી હતી. ત્યારે સુરત પશ્ચમના ઉમેદવાર પૂર્ણેશ મોદીએ મતદાન કર્યું હતું. ત્યારે વધુમાં વધુ લોકોના મતદાન કરવા અપીલ કરી હતી.
AAPના ઉમેદવારે કુમાર કાનાણીના લીધા આશીર્વાદ
વરાછા વિધાનસભા બેઠક પર સૌ કોઈની નજર મંડાયેલી છે. ત્યારે વરાછા બેઠક પર આપ અને ભાજપના ઉમેદવાર મતદાન મથક મત આપવા આવ્યા ત્યારે આપના ઉમેદવાર પર ત્યાં જ હાજર હતા. ત્યારે સભાએ એકબીજા પર આક્ષેપ લગાવનાર બંને ઉમેદવારો સાથે જોવા મળતા લોકોમાં આશ્ચર્ય જોવા મળ્યું હતું. ત્યારે અલ્પેશ કથીરીયાએ કુમારા કાનાણીના આર્શિર્વાદ લીધા હતા અને બાદમાં ગળે મળ્યા હતા.
એક જ મતદાન મથક પર બે ઉમેદવારોએ મતદાન કર્યું
ગુજરાતની બે વિધાનસભાના ઉમેદવારો એક જ બુથ પર મતદાન કરવા પહોચ્યા હતા. તેમાં સુરત વિધાનસભા વિસ્તારમાં આવેલી નગર પ્રાથમિક શિક્ષણ સમિતિની શાળા નંબર 93 માં પટેલ નગર ખાતે ભારતીય જનતા પાર્ટીના ઉત્તર વિધાનસભાના ઉમેદવાર કાંતિ બલર અને ભારતીય જનતા પાર્ટીના વરાછા બેઠકના ઉમેદવાર કુમાર કાનાણી મતદાન કરે છે.
ગુજરાતમાં વિધાનસભાની ચૂંટણીમાં આજે પ્રથમ ચરણમાં મતદાન થઈ રહ્યું છે. ત્યારે ગુજરાત પ્રદેશ પ્રમુખ સી.આર.પાટીલ તેમજ હર્ષ સંઘવી સાથે જોવા મળ્યા હતા. ત્યારે બંને નેતાઓએ કેન્દ્રીય વિદ્યાલય નજીક આવેલી ચા ની કીટલી પર ચા પીવાની મઝા માણૂી હતી.