નેપાળની સંસદે બુધવારે દેશનું પ્રથમ નાગરિકતા સંશોધન બિલ (Citizenship Amendment Bill) પાસ કરી દીધું છે.
નેપાળની સંસદે CAA બિલ પાસ કર્યું
બે વર્ષથી અટવાયેલું હતું આ બિલ
ગૃહમંત્રીએ નિચલા ગૃહમાં રજૂ કર્યું આ બિલ
નેપાળની સંસદે બુધવારે દેશનું પ્રથમ નાગરિકતા સંશોધન બિલ (Citizenship Amendment Bill) પાસ કરી દીધું છે. જેના પર બે વર્ષથી વધારે સમયથી ચર્ચા થઈ રહી હતી. આ બિલ પર 2020થી પ્રતિનિધિ સભામાં ચર્ચા થઈ રહી હતી. પણ અમુક જોગવાઈઓ મુખ્યત: નેપાળી પુરુષો સાથે લગ્ન કરનારી વિદેશી મહિલાઓની નાગરિકતા મેળવવા માટે સાત વર્ષની રાહ જોવાને લઈને રાજકીય પાર્ટીઓ વચ્ચે મતભેદોને લઈને આ બિલ અટવાયેલું હતું.
બુધવારે સંસદના નિચલા ગૃહ અથવા પ્રતિનિધિ સભાની બેઠકમાં ગૃહમંત્રી બાલ કૃષ્ણ ખાંડે સાંસદો સમક્ષ નેપાળનું પ્રથમ નાગરિકતા સંશોધન બિલ 2022 રજૂ કર્યું અને કહ્યું કે, આ બિલ, નેપાળ નાગરિકતા અધિનિયમ 2006માં સંશોધન તથા સંવિધાન અનુસાર નાગરિકા આપવાની જોગવાઈઓ નક્કી કરવા માટે સંસદમાં રજૂ કરવામાં આવ્યું છે.
હજારો લોકોને ન મળ્યા નાગરિકતાના સર્ટિફિકેટ
ગૃહમંત્રીએ કહ્યું કે, હજારો લોકો એવા છે કે, જેમને નાગરિકતા સર્ટિફિફેટ નથી મળ્યા, જ્યારે તેમના માતા-પિતા નેપાળના જ નાગરિક છે. નાગરિકતા પ્રમાણપત્ર ન મળવાથી શિક્ષણ અને અન્ય સુવિધાઓથી વંચિત થઈ રહ્યા છે. હું આ નવા બિલનું સમર્થન કરીને નવો કાયદો બનાવીને કાયદો લાગૂ કરવાની દિશામાં આગળ વધવાની અપીલ કરુ છું. ખાંડે વિશ્વાસ વ્યક્ત કર્યો છે કે, નવા બિલને સંસદના ઉપલા ગૃહમાં અથના નેશનલ અસેંબલીમાં રજૂ કરવામાં આવશે, જ્યાં તેના પર ચર્ચા શરૂ થશે.
નેપાળ સરકારે પાછુ લીધું હતું આ બિલ
અહીં ઉલ્લેખનીય છે કે, નેપાળ સરકારે ગત અઠવાડીયે મુખ્ય વિપક્ષી પાર્ટી સીપીએન-યુએમએલના સાંસદોએ નાગરિકતા બિલ વિરુદ્ધ પ્રદર્શન કર્યા બાદ પ્રતિનિધિ સભાએ તેને પાછુ ખેંચી લીધું હતું.