નેપાળના 16 વર્ષના છોકરા દેશાંત અધિકારીને પીઠ નીચેના ભાગે એક પૂંછ ઉગી નીકળી છે.
કુદરતની વધુ એક રહસ્ય લીલા બહાર આવી
નેપાળના 16 વર્ષના છોકરામાં નીકળી આવી 70 સેમી લાંબી પૂછ
લોકોએ કહ્યું-હનુમાનજીનો અવતાર
કુદરત ક્યારેય કોઈ વ્યક્તિની સાથે ઘણો મોટો ખેલ ખેલી નાખતી હોય છે. નેપાળના 16 વર્ષના છોકરા દેશાંત અધિકારીના કિસ્સામાં પણ કુદરતે જબરો ખેલ ખેલ્યો છે. દેશાંત અધિકારીને પીઠ નીચેના ભાગે એક 70 સેમી લાંબી પૂંછ ઉગી નીકળી છે. દેશાંતની પૂંછ બિલકુલ લોર્ડ હનુમાનજી જેવી દેખાય છે. લોકો પણ તેને હનુમાનજીનો અવતાર માની રહ્યાં છે.
દેશાંતને પીઠ નીચેના ભાગમાં વાળ ઉગ્યાં
આ ઘટના નેપાળની છે. છોકરાનું નામ દેશાંત અધિકારી છે અને તે લગભગ સોળ વર્ષનો છે. થોડા દિવસ પહેલા છોકરાની પીઠની નીચેના ભાગમાં વાળ ઉગવા લાગ્યાં હતા અને જોતજોતામાં તે વધીને લગભગ 70 સેન્ટીમીટર થઈ ગયા હતા. વાળ દેખાવમાં લાંબી પૂંછડી જેવા લગતા હતા.
લોકો માની રહ્યાં છે હનુમાનજીનો અવતાર
લાંબી પૂંછડી જોઈને લોકો દેશાંતને હનુમાનજીનો અવતાર માની રહ્યાં છે. ઉલ્લેખનીય છે કે લોર્ડ હનુમાન પણ લાંબી પૂંછ ધરાવતા હોવાનો ઉલ્લેખ રામાયણમાં છે. આ સમાચાર વાયુવેગે ફેલાતા દૂરદૂરથી લોકો તેની પૂંછડી જોવા આવી રહ્યાં છે. છોકરાના માતા-પિતા આ જોઈને આશ્ચર્યચકિત થઈ ગયા. તેને ડોક્ટર પાસે પણ લઈ જવામાં આવ્યો હતો. આ સાથે જ મીડિયા રિપોર્ટ્સ અનુસાર છોકરાના પરિવારે એક પૂજારી બતાવ્યો, તેથી તેમણે પૂંછડી જોઈ અને છોકરાને ભગવાન હનુમાનનો અવતાર ગણાવ્યો. આ ઘટનાની જાણ લોકોને થતાં જ લોકો તેને જોવા આવવા લાગ્યા હતા.