નકશા / નેપાળે જાહેર કર્યો સત્તાવાર નવો રાજકીય નકશો, ભારતના આ 3 સ્થળોને પોતાના બતાવ્યા!

• નેપાળની સરકારે નવા રાજકીય નકશાને સત્તાવાર રીતે જાહેર કર્યો
• નવા નકશામાં ભારતના કાલાપાની, લિપુલેખ અને લિમ્પિયાધુરાને પણ સામેલ કરાયા

ત્યારબાદ આજે એટલે કે બુધવારે ભૂમિ સંસાધન મંત્રી પદ્મા આર્યાએ સત્તાવાર રાજકીય નકશો જાહેર કરી દીધો છે. આખો મામલો એવો છે કે 8 મેએ ભારતે ઉત્તરાખંડના લિપુલેખથી કૈલાશ માનસરોવર માટે રોડનું ઉદઘાટન કર્યું હતું. જેને લઇને નેપાળે વિરોધ દર્શાવ્યો હતો. નેપાળે બાદમાં નવો રાજકીય નકશો જાહેર કરવાનો નિર્ણય લીધો હતો. 

નેપાળના વડાપ્રધાન કેપી ઓલીએ પણ કહ્યું હતું કે તેઓ એક ઇન્ચ જમીન ભારતને નહીં આપે. જ્યારે સરકારના એક મંત્રીએ કહ્યું કે સરકાર ભારતની તરફથી થઇ રહેલા અતિક્રમણને લાંબા સમયથી સહન કરી રહ્યું હતું, જોકે ભારતીય રક્ષા મંત્રીએ લિપુલેખમાં નવા રોડનું ઉદઘાટન કરી દીધું હતું. 

નેપાળનો દાવો

સુગૌલી સંધિ મુજબ નેપાળ કાલાપાની, લિપુલેખ અને લિમ્પિયાધુરા પર પોતાનો દાવો રજૂ કરે છે. નેપાળ અને બ્રિટિશ ભારત વચ્ચે 1816માં સુગૌલીની સંધિ થઇ હતી, જે હેઠળ બંને વચ્ચે મહાકાલી નદીને બોર્ડર માનવામાં આવી હતી. જ્યારે વિશેષજ્ઞોનું કહેવું છે કે ભારત-નેપાળ સીમા વિવાદ મહાકાલી નદીના ઉત્પતિને લઇને જ છે. 

નેપાળનું કહેવું છે કે મહાકાલી નદી લિપુલેખની નજીક લિમ્પિયાધુરાથી નીકળે છે અને દક્ષિણ-પશ્ચિમ તરફ વહે છે. જ્યારે ભારત કાલાપાનીને નદીનું ઉત્પત્તિ સ્થાન માને છે અને દક્ષિણ અને આંશિક રૂપે પૂર્વમાં વહે છે. આ કારણે બંને દેશો વચ્ચે વિવાદ ઉભો થયો છે.