Football / દુનિયાના મોંઘા ફૂટબોલરને કેમ આવ્યો ૫૭ કરોડની પેનલ્ટી ચૂકવવાનો વારો ?

• નેમાર કેસ હારી ગયો
• નેમારને ચૂકવવી પડશે પેનલ્ટી

અસલમાં નેમારે ૨૦૧૭માં અચાનક બાર્સેલોનાનો સાથ છોડી દીધો હતો. તે ૨૨.૩ કરોડ યુરો (લગભગ ૧૭૫૩ કરોડ રૂપિયા)ની રેકોર્ડ ડીલ સાથે પેરિસ સેન્જ જર્મેન (પીએસજી) ક્લબ સાથે જોડાયો હતો. એ ફૂટબોલ ઇતિહાસની સૌથી મોટી ટ્રાન્સફર હતી. એ સમયે નેમાર દુનિયાનો સૌથી મોંઘો ફૂટબોલર બની ગયો હતો.

પીએસજી સાથે જોડાયા બાદ નેમારે ૪૩.૬ મિલિયન યુરોના લોયલ્ટી બોનસની ચુકવણી માટે બાર્સેલોના સામે કેસ કર્યો હતો. નેમારે કોર્ટમાં જણાવ્યું હતું કે બાર્સેલોના સાથે ૨૦૧૬માં જોડાયોહતો. ક્લબે એ સમયે તેને ૬૪ મિલિયન યુરો (લગભગ ૫૪૬ કરોડ રૂપિયા) બોનસના રૂપમાં આપવાનો કરાર કર્યો હતો. ક્લબે જુલાઈ ૨૦૧૬માં ૨૨.૫ મિલિયન યુરો (લગભગ ૧૯૨ કરોડ રૂપિયા) ચૂકવી દીધા હતા. બાકીના ૩૬૭ કરોડ રૂપિયા ક્લબે જુલાઈ-૨૦૧૭માં આપવાના હતા, પરંતુ એ દરમિયાન નેમાર ક્લબ છોડી રહ્યો હોવાના સમાચાર વહેતા થતાં ક્લબે બોનસની રકમ અટકાવી દીધી હતી.

નેમારના કેસના જવાબમાં બાર્કાએ પણ નેમાર પર કરાર ભંગ કરવાનો દાવો કરતો વળતો કેસ કર્યો હતો. હવે બાર્સેલોનાની તરફેણમાં કોર્ટે ચુકાદો આપ્યો છે.