સનસનીખેજ / પાડોશીએ લજવ્યો પાડોશી ધર્મ: પહેલા દીકરા સમાન બાળકનું અપહરણ પછી હત્યા

• ઉછીના લીધેલી રકમ પરત ન મળતા બાળકની હત્યા
• પાડોશીએ બાળકની હત્યા કરી લાશ ખેતરમાં ફેંકી દીધી
• ઘટના પાછળ જમીન વિવાદ હોવાનું પણ આવ્યું સામે

સુરતમાં બાળકના અપહરણ બાદ હત્યા કરાવવાનો ચોંકાવનારો કિસ્સો સામે આવતા ચકચાર મચી ગઈ હતી. નવ વર્ષના માસૂમનું પાડોશીએ જ અપહરણ કર્યુ હતુ અને ત્યાર બાદ તેને મોતને ઘાટ ઉતારી દીધો હતો. 

પાડોશીએ જ કરી હત્યા

કહેવાત છે કે, પહેલો સગો તે પાડોશી પણ આ કહેતને ખોટી પાડનાર અને પાડોશીને નામે લાંછનરૂપ કિસ્સો સામે આવ્યો છે.  સુરતમાં  પાડોશીએ જ બાળકની હત્યા કરી મોતના ઘાટ ઉતાર્યો છે. સુરત શહેરના ભટાર વિસ્તારની ઘટનાછે. 

બાળકની હત્યા કરી લાશ ખેતરમાં ફેંકી દીધી

પાડોશી પાસેથી બાળકના પિતાએ 7 હજાર રૂપિયા ઉછીના લીધા હતા અને ઉછીના લીધેલી રકમ પરત ન મળતા બાળકની હત્યા કરી હોવાનું પ્રાથમિક તારણ સામે આવ્યું છે પાડોશીએ બાળકની હત્યા કરી લાશ ખેતરમાં ફેંકી દીધી હતી. જો કે ઘટના પાછળ જમીન વિવાદ હોવાનું પણ સામે આવ્યું છે. ખટોદર પોલીસે બંને  આરોપીઓની ધરપકડ કરી કાર્યવાહી હાથ ધરી છે.