માસૂમના માબાપ કોણ? / ગાંધીનગરમાં ત્યજી દેવાયેલ બાળક 'સ્મિત'ના કથિત પિતા મામલે પડોશીઓએ કર્યા ચોંકાવનારા ખુલાસા, જુઓ VIDEO

• સચિન દિક્ષીતના પાડોશીઓનો મોટો દાવો
• ટીવી પર બતાવવામા આવી રહેલું બાળક સચિન ભાઈનું નથી
• તેમનું બાળક તો 4 વર્ષનું છે, એ ઘરમા આ બાળક ક્યારેય નથી જોયું

ગઇકાલે રાતે ગાંધીનગરનાં પેથાપુરમાં એક માસૂમ બાળક મળી આવ્યા બાદ આખા ગુજરાતમાં મોટા પાયે મુહિમ ચલાવવામાં આવી હતી અને ગાંધીનગર જિલ્લાની પોલીસ તથા ગુજરાત રાજ્યનાં ગૃહરાજ્યમંત્રી હર્ષ સંઘવી પણ ખડેપગે હતા ત્યારે આજે સાંજે મોટો ખુલાસો થયો હતો કે ગાંધીનગરનાં જ સચિન દીક્ષિત નામક વ્યક્તિનો આ છોકરો હોવાની આશંકા છે. 

કથિત પિતા સચિન દીક્ષિતનાં ઘરે પહોંચી પોલીસ
પોલીસ સચિન દીક્ષિતનાં ઘરે પહોંચી અને તે બાદ ત્યાંની સફેદ કારને જપ્ત કરી લેવામાં આવી હતી. ઘટનાસ્થળે જ્યારે VTVની ટીમ પહોંચી ત્યારે નવા જ ખુલાસા સામે આવ્યા હતા. પોલીસે કહ્યું કે હાલ તો ઘર બંધ છે અને કાર જપ્ત કરી લેવામાં આવી છે. જોકે પડોશીઓએ અત્યંત ચોંકાવનારા ખુલાસા કર્યા હતા.   

સચિનનો બાળક ચાર વર્ષનો છે, આ બાળકને સચિન દીક્ષિતના ઘરે જોયું નથી: પાડોશી
VTV સાથેની વાતચીતમાં સચિન દીક્ષિતનાં પડોશીઓએ કહ્યું કે સચિનનો પરિવાર ગુજરાત બહારનો છે અને તેઓ અહિયાં નિવાસ કરે છે. આટલું જ નહીં પડોશીએ એમ પણ કહ્યું કે ત્યજી દેવાયેલ બાળકને ક્યારેય જોયો જ નથી. પડોશીઓએ કહ્યું કે સચિનનો બાળક ચાર વર્ષનો છે.