મનોરંજન / નેહા કક્કરનો ચોંકાવનારો ખુલાસો : પરિવાર, પૈસા બધુ જ છે પણ આ બિમારી મને...

• નેહા કક્કરે ચોંકાવનારો ખુલાસો કર્યો 
• પૈસા, પ્રેમ બધુ જ છે પણ બિમારી હેરાન કરે છે
• અનુષ્કાએ ગાયેલા ગીત પર ઇમોશનલ થઇ નેહા

નેહા બોલીવૂડના ટોપ સિંગર્સમાંથી એક છે. જેણે પોતાની મેહનત અને કળાના દમ પર પોતાનું સ્થાન બનાવ્યું છે. તેણે પોતાના સિંગીંગથી માત્ર ભારતમાં જ નહી પરંતુ સમગ્ર દુનિયામાં એક અલગ ઓળખાણ બનાવી છે. નાનપણમાં ભજન ગાઇને પરિવાર ચલાવનાર નેહાએ કહ્યું કે અત્યારે મારી પાસે પૈસા, પ્રેમ, પરિવાર બધુ જ છે પરંતુ આ એક કારણથી પરેશાન છું. 

સ્ટેજ પર કર્યો ખુલાસો 
નેહાએ પોતાની પરેશાનીનો ખુલાસો ઇન્ડિયન આઇડલના સ્ટેજ પર કર્યો હતો. આટલુ કહેતા તો તે ભાવૂક થઇ ગઇ હતી અને આંખમાં આંસુ આવી ગયા હતા. ચંદીગઢથી આવેલી અનુષ્કાએ લુકાછુપી ગીત ગાયુ જેને સાંભળીને નેહા ઇમોશનલ થઇ ગઇ હતી. તેણે કહ્યું કે અનુષ્કાની જેમ નેહાને પણ એગ્ઝાઇટી ઇશ્યુ છે અને તે થાયરોઇડથી પણ પિડાય છે. એગ્ઝાઇટીનું જ આ મુખ્ય કારણ છે. 

સિંગરે કહ્યું કે મારી પાસે બધુ જ છે, સારો પરિવાર, કરિયર, પ્રેમ પરંતુ મારી આ બિમારીના કારણે હું ડરી જાઉ છુ. તમને જણાવી દઇએ કે અનુષ્કાએ ઓડીશન વખતે સ્ટેજ પર કહ્યું હતુ કે તેને એગ્ઝાયટીની તકલીફ છે અને સ્ટેજ પર આવતાની સાથે જ તેના હાથ પગ ધ્રુજવા લાગે છે.