'દિલબર', 'કોકાકોલા', 'કાલા ચશ્મા' જેવા પાર્ટી નંબર આપનાર નેહા કક્કર આજે પોતાનો બર્થ ડે સેલિબ્રેટ કરી રહી છે.
નેહા આજે બોલિવુડની જાણીતી સિંગર બની ચૂકી છે, જોકે લાંબા સમય સુધી મહેનત કર્યા પછી તે ઇન્ડસ્ટ્રીમાં પોતાનું આગવુ સ્થાન બનાવી શકી, જી હા. છેલ્લાક થોડા સમયથી લાઇમ લાઇટમાં આવેલી નેહા વિશે અમુક એવી વાત છો જે જાણીને તમને ચોક્કસથી નવાઇ લાગશે..
તમે ચોંકી જશો કે બોલિવુડની સફળ સિંગર નેહા કક્કરે પોતે ક્યારે સિંગિંગની તાલીમ લીધી નથી. નેહાનો જન્મ ઉત્તરાખંડના ઋષિકેશમાં થયો છે, તેના પરિવારના સભ્યો ગુજરાન ચલાવવા માટે માતાના જાગરણમાં જતા. નેહાએ પણ તેના પરિવારને જોઇને 4 વર્ષની ઉંમરથી જ ભજન ગાવાનું શરૂ કરી દીધુ હતુ અને જેના બદલામાં તેણે અમુક સમય પછી 500 રૂપિયા મળતા હતા. નેહાએ ઇન્ડિયન આઇડોલના મંચ પર શરૂઆત કરી અને આજે તે મંચના કારણે જ તે આ સ્થાને છે.
2006માં ઇન્ડિયન આઇડોલ સિઝન 2માં નેબા કક્કરે ભાગ લીધો હતો. કક્કર ત્યારે ટોપ 8માં પણ પ્રવેશ નહતી કરી શકી પરંતુ તેના સ્ટેજ પરફૉરમન્સથી બધાના દિલ જીતી લીધા. નેહા માટે ગર્વ લેવાની વાત એ છે કે તેના 10 વર્ષ પછી તે જ ઇન્ડિયન આઇડલમાં જજ તરીકે આવી રહી છે. રિયાલિટી શોમાં જજ તરીકે નેહાએ મોટું નામ કમાયુ છે. તે સારેગામાપા લિટલ ચેમ્પ્સમાં પણ જજ રહી ચૂકી છે.
તેણે 2008માં પોતાનું આલ્બમ નેહા- ઘ રોક સ્ટાર લોન્ચ કર્યું હતુ. તેમાં મીત બ્રધર્સનું મ્યૂઝિક હતુ. તે શાહરૂખની મોટી ફેન છે, તેણે શાહરૂખ માટે પોતે જ એક ગીત બનાવ્યુ અને યૂટ્યૂબ પર મૂક્યુ. આ વીડિયો ખૂબ જ વાયરલ થયો અને નેહા કક્કરને લોકો જાણતા થયા.
ઈન્ડિયન આઈડોલમાં હાર્યા બાદ નેહાએ પોતાના અવાજ પર કામ કરવાનું શરૂ કર્યુ હતુ. તેણે પોતાના સિંગલ ગીતો અને કેટલાક આલ્બમ્સ પણ રિલીઝ કર્યા, તે બોલિવુડના સ્ટૂડિયોમાં ધક્કા ખાતી, ગીતો માટે સ્ક્રેચ ટ્રેક રેકોર્ડ કરતી. સંગીતકારોને લાગતું કે નેહાનો અવાજ બાળક જેવો હોવાથી હિરોઇન પર સૂટ નહી થાય. તેને મોટો બ્રેક સૈફ અલી ખાન-દીપિકા પાદુકોણની કોકટેલથી મળ્યો હતો. તેમાં સચિન જીગરે તેને સેકેન્ડ હેન્ડ જવાની ગીત ઑફર કર્યું હતુ. તેને મોટી સફળતા યારિયાના બ્લૂ હૈ પાની ગીતથી મળી હતી.
આ સાથે જ નેહા સોશ્યલ મીડિયા પર એક્ટિવ છે. સિંગિંગ ઉપરાંત તેના ડાન્સ વીડિયોઝ પણ ચાહકોમાં ખાસ્સા પોપ્યુલર છે. તે ટિકટોક પર પણ ખૂબ જ પૉપ્યુલર છે અને અવારનવાર વીડિયોઝ અપલોડ કરતી રહે છે.
નેહા કક્કરનું બ્રેક અપ પણ ગયા વર્ષે ખાસ્સી ચર્ચાનો વિષય બન્યુ હતુ. તે યારિયાંના સ્ટાર હિમાંશ કોહલી સાથે રિલેશનશીપમાં હતી અને ચાર વર્ષ પછી છૂટા પડ્યા હતા. સોશ્યલ મીડિયાએ નેહાએ આ વાત કહી અને લખ્યુ કે, ''મને ખબર છે કે હું સેલિબ્રિટી છું અને મારે આ બધુ સોશ્યલ મીડિયા પર ન લખવુ જોઇએ પરંતુ એક માણસ પણ છું અને અંદરથી ખૂબ જ તૂટી ગઇ છું. મેં તેને મારું બધુ જ આપ્યુ છે, બદલામાં મને શું મળ્યુ. હું તમને કહી પણ શકતી નથી મને શું મળ્યુ.''એવું કહેવાય છે કે હિમાંશના શંકાશીલ સ્વભાવને કારણે બંનેનું બ્રેકઅપ થયુ.