બોલિવૂડની સિંગિંગ ક્વિન નેહા કક્કડ અને તેનો પતિ રોહનપ્રીત સિંહ હાલ દુબઈમાં હનીમુન એન્જોય કરી રહ્યાં છે. નેહા અને રોહને 24 ઓક્ટોબરે દિલ્હીમાં એક ગુરૂદ્વારામાં લગ્ન કર્યા હતા. આ લગ્નમાં બંનેના પરિવારમાંથી કેટલાક ખાસ લોકો જ હાજર રહ્યાં હતા. નેહૂ દા વ્યાહની તસવીરો અને વીડિયોએ સોશિયલ મીડિયા પર ધૂમ મચાવી દીધી હતી. ત્યારે હવે નેહાના હનીમૂનની તસવીરો ખૂબ જ વાયરલ થઈ રહી છે. દરેક ફોટામાં આ ન્યૂલી મેરિડ કપલ ખૂબ જ ક્યૂટ લાગી રહ્યાં છે.
નેહા કક્કડે શેર કર્યા હનીમૂનના ફોટોઝ
પતિ સાથે લિપ લોક કરતા જોવા મળી સિંગર
નેહા અને રોહને 24 ઓક્ટોબરે દિલ્હીમાં એક ગુરૂદ્વારામાં લગ્ન કર્યા હતા
નેહા દુબઈથી તેની તસવીરો અને વીડિયો શેર કરી રહી છે. હાલમાં જ નેહાએ ઈન્સ્ટાગ્રામ પર હનીમૂન ડાયરીઝ શેર કરી છે. જેમાં તેણે પોતાની હોટલ, બેડરૂમ, રેસ્ટોરન્ટથી લઈને બીચના રોમેન્ટિક ફોટોઝ શેર કર્યા છે. આ ફોટોઝ જોઈને એવું લાગી રહ્યું છે કે, નેહા હવે હનીમૂનથી પરત આવવાની છે, કારણ કે તેણે દુબઈમાં વિતાવેલા બધાં જ સ્પેશિયલ મૂમેન્ટ્સની તસવીરો શેર કરી દીધી છે.
આ તસવીરોમાં નેહા અને રોહન રોમેન્ટિક મૂડમાં જોવા મળી રહ્યાં છે. સિંગરે રોહન સાથે લિપ લોક કરતી તસવીરો પણ શેર કરી છે. આ સાથે જ નેહા અને રોહન બીચ પર રોમાન્સ કરતા પણ જોવા મળી રહ્યાં છે. ઉલ્લેખનીય છે કે, નેહાએ આ વખતે દિવાળી પણ દુબઈમાં સેલિબ્રેટ કરી હતી. નેહાએ દિવાળી સેલિબ્રેશનની તસવીરો પણ ઈન્સ્ટાગ્રામ પર શેર કરી હતી.