નેહા કક્કર અને રોહનપ્રીતના લગ્ન ખૂબ ચર્ચામાં છવાયેલા રહ્યાં. ત્યારે હવે નેહાએ તેના ઈન્સ્ટાગ્રામ એકાઉન્ટ પર તેના લગ્નની જોરદાર તસવીરો શેર કરી છે. જેના પરથી ફેન્સની નજરો હટી રહી નથી. આ તસવીરો શેર કરતા નેહાએ તેના લગ્ન પર મળનારા સૌથી સુંદર ગિફ્ટ વિશે જણાવ્યું છે.
નેહાએ તેના લગ્નની તસવીરો શેર કરી
નેહાએ તેના લગ્ન પર મળનારા સૌથી સુંદર ગિફ્ટ વિશે જણાવ્યું
નેહાના લગ્નની તસવીરો થઈ રહી છે વાયરલ
નેહાએ તેના લગ્નની આ તસવીરો શેર કરી છે તેની પાછળ ખાસ કારણ રહેલું છે. હકીકતમાં નેહાએ આ તસવીરો દ્વારા તેની સુંદર ગિફ્ટ દેખાડી છે.
નેહાએ તેની લાઈફના સૌથી સુંદર પળોની તસવીરો શેર કરીને ડિઝાઈનર સબ્યસાચીનો ઉલ્લેખ કરતાં લખ્યું- જેમના કપડાં લાઈફમાં એકવાર પહેરવાની દરેકની ચાહત હોય છે, તેમણે અમને ગિફ્ટમાં આ આઉટફિટ્સ આપ્યાં છે.
આ વાત સાથે નેહાએ વધુ એક મોટી વાત કહી, તેણે તસવીરોના કેપ્શનમાં લખ્યું- સપના સાચાં થાય છે પણ જ્યારે તમે સખત મહેનત કરો છો તો તે વધુ સારી રીતે પૂરા થાય છે. થેંક યૂ માતા રાની, શુક્ર હૈ વાહે ગુરૂ કા.
નેહા અને રોહનપ્રીતે હાલમાં જ 24 ઓક્ટોબરે ગુરૂદ્વારામાં પંજાબી અને પછી હિન્દુ એમ બંને રિત-રિવાજથી લગ્ન કર્યાં. નેહાએ અલગ અલગ પોઝમાં લગ્નની ઘણી બધી તસવીરો શેર કરી છે. સોશિયલ મીડિયા પર તેમની તસવીરોની તુલના વિરાટ કોહલી અને અનુષ્કા શર્માના લગ્નની તસવીરોથી થઈ રહી છે.