સિંગર નેહા કક્કર અને રોહનપ્રીત સિંહના લગ્નનું કાર્ડ ઇન્ટરનેટ પર વાયરલ થઈ રહ્યું છે. આ કાર્ડમાં લગ્નની તારીખ પણ જાહેર કરવામાં આવી છે, જેમાં અત્યાર સુધીની તમામ અફવાઓ પર વિરામ લગાવી દીધો છે. સમાચારો અનુસાર નેહા અને રોહનપ્રીતના લગ્નનું કાર્ડ એક ફેન ક્લબ દ્વારા શેર કરવામાં આવ્યું છે. વેડિંગ કાર્ડમાં તમામ ડિટેલ્સ આપવામાં આવી છે. 26 ઓક્ટોબર 2020ના રોજ નેહા અને રોહનપ્રીત સાત ફેરા લેશે. આ સાથે જ રિસેપ્શન પંજાબમાં રાખવામાં આવશે.
નેહા કક્કડના લગ્નની કંકોત્રી ઇન્ટરનેટ પર વાયરલ
આ કાર્ડમાં લગ્નની તારીખ પણ જાહેર થઈ છે
વેડિંગ કાર્ડમાં તમામ ડિટેલ્સ આપવામાં આવી છે
થોડા દિવસ પહેલાં નેહા અને રોહનપ્રીતે તેમના રિલેશનશીપને કન્ફર્મ કરતી એક પોસ્ટ શેર કરી હતી. ચાહકોને ખુશખબર જણાવતા બંનેએ ઈન્સ્ટાગ્રામ પર પોતાનું સ્ટેટસ કન્ફર્મ કર્યું હતું. એવા પણ અહેવાલો આવી રહ્યાં છે કે આ બધી વાતો નેહા અને રોહનપ્રીતના નવા સોન્ગના લોન્ચિંગને કારણે થઈ રહી છે.
'નેહુ ધ વ્યાહ' નામનું એક ગીત લોન્ચ કરવામાં આવી રહ્યું છે, જેના પ્રમોશન માટે આ બધું કરવામાં આવી રહ્યું છે. ચાહકોમાં પણ બંનેના લગ્ન અંગે અટકળો ચાલી રહી હતી. આ સિવાય ઘણાં બોલિવૂડ સેલેબ્સને પણ મૂંઝવણ હતી કે શું તે આ ગીતના લોંચિંગ માટે થઈ રહ્યું છે કે પછી તેઓ ખરેખર લગ્ન કરી રહ્યાં છે.
હવે જ્યારે લગ્નનું કાર્ડ અને તારીખ બંને સામે આવ્યા છે, ત્યારે લોકોને વિશ્વાસ થઈ ગયો છે કે આ કોઈ અફવા નથી પરંતુ સાચા સમાચાર છે. નેહા અને રોહનપ્રીત ખરેખર લગ્ન કરવા જઈ રહ્યા છે. કાર્ડ મુજબ આ બંનેના લગ્નનું વેન્યૂ દિલ્હીનું છે.