નેહા કક્કડ અને રોહનપ્રીતના લગ્નને એક મહિનો થઈ ચૂક્યો છે. ત્યારે આ અવસર પર બંનેએ ખૂબ જ શાનદાર રીતે સેલિબ્રેટ કર્યું. બંને હાલ દુબઈમાં છે. નેહા અને રોહનપ્રીતે પોતાના સોશિયલ મીડિય હેન્ડલ પર ફેન્સની સાથે પોતાની ખુશી શેર કરી છે અને પોતાના પરિવારનો આભાર પણ માન્યો છે.
નેહા અને રોહનના લગ્નને એક મહિનો પૂરો થતાં બંને ખૂબ જ ખુશ જોવા મળી રહ્યાં છે. બંનેએ સોશિયલ મીડિયા પર ખુશી વ્યક્ત કરી છે. રોહને લખ્યું- મારી સુંદર ઢીંગલી, જીવનમાં તારો સાથ ખુબ જ સુંદર છે. અમારી ફર્સ્ટ મંથ એનિવર્સરી છે અને મને હજી પણ વિશ્વાસ નથી થઈ રહ્યો કે તૂ મારી છે. હું તને બહુ જ ચાહું છું મારી જિન્દગી.
આ સાથે જ નેહાએ તેના સોશિયલ મીડિયા એકાઉન્ટ પર લખ્યું-આજે અમારી ફર્સ્ટ મંથ એનિવર્સરી છે. તમે અને તમારા પરિવારે મને આટલો પ્રેમ આપ્યો તે માટે થેન્ક્યૂ, નેહાએ આની સાથે એક ખૂબ જ ક્યૂટ વીડિયો પણ શેર કર્યો છે.
નેહા અને રોહનની પહેલી મુલાકાત નેહૂ દા વ્યાહ સોન્ગના શૂટિંગ દરમિયાન થઈ હતી. રોહન નેહાને જોતા જ તેના પ્રેમમાં પડી ગયો હતો. સાથે જ નેહા પણ રોહનના વિનમ્ર વ્યવહાર અને સ્માર્ટનેસથી ઈમ્પ્રેસ થઈ હતી. જ્યારે ઘણાં સમય સુધી ફેન્સ એવું જ વિચારતા રહ્યાં કે નેહા અને રોહન સોન્ગના પ્રમોશન માટે લગ્નનું પ્રેન્ક કરી રહ્યાં છે.