બોલીવુડની લોકપ્રિય સિંગર નેહા કક્કર સોશિયલ મીડિયામાં ખૂબ સક્રિય રહે છે. પરંતુ આ મામલે તેના પતિ પણ પાછા ઉતરે એવા નથી. રોહનપ્રીત સિંહે હાલમાં ઈન્સ્ટાગ્રામ પર એક વીડિયો શેર કર્યો છે.
નેહા અને રોહનપ્રીતના એક લેટેસ્ટ વીડિયોએ પ્રશંસકોને ચોંકાવી દીધા
રોહનપ્રીત 'અમે તો દિલ આપી ચૂક્યા છે' ગાઈ રહ્યાં છે ગીત
નેહાએ રમૂજી અંદાજમાં રોહનપ્રીતનો ગાલ ખેંચ્યો અને પ્રોપર્ટી અંગે કરી વાત
રોહનપ્રીતે શેર કર્યો વીડિયો
આ વીડિયોમાં રોહનપ્રીત સિંહ એક ગીત ગાઈ રહ્યાં છે અને નેહા તેમનો ગાલ પકડીને કહી રહી છે કે તેઓ તેમની પ્રોપર્ટી તેના નામે કરી દે. મખમલી અવાજથી દિલ જીતનારી નેહા કક્કર આજે સિંગિંગ સેન્સેશન બની ગઇ છે, બોલીવુડમાં ગવાયેલુ તેમનુ દરેક ગીત લોકોના દિલ પર છવાઇ જાય છે અને બમ્પર હિટ સાબિત થાય છે. નેહાને અવાર-નવાર તેના પતિ પંજાબી સિંગર રોહનપ્રીતની સાથે સ્પોટ કરવામાં આવે છે. બંનેની વચ્ચે ખૂબ પ્રેમ છે, જે વારંવાર તેમના વીડિયો અને તસ્વીરોમાં જોવા મળે છે. જો કે, નેહા અને રોહનપ્રીતના એક તાજા વીડિયોએ પ્રશંસકોને થોડા ચોંકાવી દીધા છે, જેમાં નેહા રોહનપ્રીતને પ્રોપર્ટીની વાત કહી રહી છે.
રોહનપ્રીત સિંહે તેના સત્તાવાર ઈન્સ્ટાગ્રામ એકાઉન્ટ પરથી આ ફની વીડિયો શેર કર્યો છે, જેમાં વીડિયોમાં રોહનપ્રીત ગીત ગાઈ રહ્યાં છે કે અમે તો દિલ આપી ચૂક્યા છે, આ દરમ્યાન નેહા તેમના ગાલ ખેંચે છે અને કહે છે, હવે તમારી પ્રોપર્ટી પણ આપી દો. જેને કારણે રોહનપ્રીત ચોંકી જાય છે. જો કે, આ રમૂજી વીડિયોના અંતમાં રોહન ખડખડાટ હસી રહ્યો છે. વીડિયોને શેર કરીને રોહનપ્રીતે લખ્યું છે, વ્યાહ અપની રિસ્ક તે હી કરવાયો. તો નેહાએ કોમેન્ટ બોક્સમાં રમૂજી અંદાજમાં લખ્યું, યાર બેબી તમારી પ્રોપર્ટી વિના કેવીરીતે ચાલશે. રોહનપ્રીતના આ રમૂજી વીડિયોને પ્રશંસકો ખૂબ પસંદ કરી રહ્યાં છે. તો ચાહકો રોહનપ્રીતના એક્સપ્રેશન્સને ખૂબ જ ક્યુટ જણાવી રહ્યાં છે અને રોહનપ્રીતની અને નેહા કક્કરની જોડીના પણ ખૂબ વખાણ કરી રહ્યાં છે.