સિંગિંગ ક્વીન નેહા કક્કર ફાઈનલી લગ્ન તાંતણે બંધાઈ ગઈ. લગ્ન બાદ જ્યારે નેહા પતિ રોહનપ્રીત સિંહ સાથે જ્યારે સાસરે પહોંચી તો સિંહ પરિવાર વહુનું જબરદસ્ત સ્વાગત કર્યું, જેના વીડિયો ખૂબ વાયરલ થઈ રહ્યાં છે. સાસરીવાળાઓએ નેહાનું ખાસ અંદાજમાં સ્વાગત કર્યું. ઢોલની તાલે #NehuPreetએ જોરદાર ઠુમકા લગાવ્યા અને બંનેએ પરિવાર સાથે વેલકમ કેક પણ કટ કરી.
નેહુપ્રીતના લગ્નમાં કોઈ કમી ના રહે તે માટે પરિવારોએ ખૂબ ધ્યાન રાખ્યું છે. કોરોનાકાળમાં ઓછાં લોકોની વચ્ચે ધામધૂમથી લગ્ન થયા. નેહાના લગ્નની તસવીરો બાદ હવે તેની સાસરીના વીડિયો સામે આવી રહ્યાં છે.
A post shared by Nehakakkar ♥️ (@neheart_akshaysharma) on
સોશિયલ મીડિયા પર વધુ એક વીડિયો વાયરલ થઈ રહ્યો છે જેમાં #NehuPreet કેક કટ કરતા જોવા મળી રહ્યાં છે. આ સમયે તેના ભાઈ ટોની કક્કરનું નવું સોન્ગ નાચ મેરી લૈલા વાગી રહ્યું છે. ત્યારબાદ નેહુપ્રીતે પરિવાર સાથે રિંગ શોધવાની સેરેમની પણ કરી. રોહનપ્રીતના પરિવારવાળા નેહાને સપોર્ટ કરતા જોવા મળે છે ત્યારે રોહનપ્રીત રિંગ શોધી લે છે.
તમને જણાવી દઇએ કે નેહા અને રોહનપ્રીતે ખૂબ જ ખાનગી રીતે લગ્ન કર્યા. બંનેના પરિવારના સભ્યો અને કેટલાક મિત્રો જ સામેલ થયા હતા. નેહા કક્કરે ઈન્સ્ટાગ્રામ એકાઉન્ટ પર એક પોસ્ટ દ્વારા રોહનપ્રીત સાથેના તેના સંબંધો વિશે માહિતી આપી હતી, ત્યારબાદ આ બંનેના લગ્નની ચર્ચા થવા લાગી હતી. નેહાએ તેના લગ્નની કેટલીક તસવીરો સોશિયલ મીડિયા પર પણ શેર કરી છે.