બોલિવૂડની ટેલેન્ટેડ સિંગિંગ ક્વીન નેહા કક્કડ તેના ગીતોથી ફેન્સના દિલ જીતી લે છે. નેહા કક્કડ હાલ ઈન્ડિયન આઈડલ 11માં જજ તરીકે જોવા મળી રહી છે. ત્યારે શોમાં અત્યારે ખૂબ જ મસ્તી-મજાક ચાલી રહી છે. શોમાં જજ નેહા કક્કડ અને હોસ્ટ આદિત્ય નારાયણના લગ્નને લઈને ઘણી ધમાલ મસ્તી થઈ રહી છે. બંનેના પેરેન્ટ્સ શોમાં આવ્યા હતા અને દિગ્ગજ સિંગર કુમાર સાનૂએ આદિત્ય નારાયણ તરફથી નેહા કક્કડને એક સ્પેશિયલ ગિફ્ટ આપી છે.
નેહા કક્કડ અને આદિત્ય નારાયણના લગ્ન થયા નક્કી
વેલેન્ટાઈન્સ ડે પર આ કપલ રીલ લાઈફમાં કરશે લગ્ન
ઇન્ડિયન આઈડલમાં જોવા મળે છે આદિત્ય-નેહાની કેમેસ્ટ્રી
હકીકતમાં શોમાં કુમાર સાનૂ સ્પેશિયલ ગેસ્ટ બનીને આવ્યા હતા. શોમાં તેઓ નેહા માટે સ્પેશિયલ ગિફ્ટ લઈને આવ્યા હતા. તેઓ આદિત્ય નારાયણ તરફથી નેહાને સુકનની ચૂંદડી આપશે. ત્યારબાદ તે હિમેશ સાથે ચૂંદડી ઓઢીને 'ચુનરિયા તેરે નામ કી' ગીત પર ડાંસ પણ કરશે અને બધાં કન્ટેસ્ટન્ટ તેમને જોઈન કરશે.
નેહા અને આદિત્યના લગ્ન (શોના સેટ પર) 14 ફેબ્રુઆરીએ યોજાવાના છે. તમને જણાવી દઈએ કે, કુમાર સાનૂએ ઈન્ડસ્ટ્રીમાં 30 વર્ષ પૂરા કરી લીધા છે. જેથી શોમાં કુમાર સાનૂને સ્પેશિયલ ટ્રિબ્યૂટ આપવામાં આવ્યું હતું.
આદિત્ય અને નેહાની રિલેશનશિપ હાલ શોની યૂએસપી બની ગયું છે
ઉલ્લેખનીય છે કે, આદિત્ય નારાયણ અને નેહા કક્ક઼ની રિલેશનશિપ હાલ શોની યૂએસપી બની ગયું છે. આદિત્ય શોમાં ઘણીવાર પોતાના પ્રેમનો એકરાર નેહા સામે કરે છે. ક્યારેક તે નેહા માટે રોમેન્ટિક ગીત ગાય છે તો ક્યારેક તેને ખોળામાં ઉંચકીને રોમેન્ટિક ગીત પર ડાંસ કરે છે. આ બંને સ્ટારના પરિવારજનો પણ આ સંબંધને મંજૂરી આપી દીધી છે. જોકે, શોના સેટ પર જે પણ થઈ રહ્યું છે તે માત્ર એન્ટરટેનમેન્ટ માટે છે. એટલે કે તેનો રિયલ લાઈફ સાથે કોઈ સંબંધ નથી. નેહા અને આદિત્ય બંને મજાક કરી રહ્યાં છે.
ઉલ્લેખનીય છે કે, થોડાં સમય પહેલાં જ આદિત્ય નારાયણના પિતા ઉદિત નારાયણે સારેગામાપા લિટલ ચેમ્પમાં એક ઈન્ટરવ્યૂ દરમિયાન કહ્યું, નેહા કક્કડ એક પ્રેમાળ છોકરી છે. તે બહુ સારાં ગીતો ગાય છે. નેહા મને પસંદ પણ છે અને મને જ નહીં પણ બધાંને નેહા સારી લાગે છે. હુ ખરેખર તેને પસંદ કરું છું. તેણે નાની ઉંમરમાં મોટી પ્રસિદ્ધિ હાંસલ કરી લીધી છે. હું પણ તેના ગીતો સાંભળું છું. આદિત્ય અને નેહાની જોડી પણ જામે છે. આનાથી વધુ મને કંઈ જ ખબર નથી. ઘણી ચર્ચાઓ ટીવી પર ચાલી રહી છે. પણ જો આ બંનેની લગ્ન થઈ જાય તો મને બહુ જ ગમશે. એક ફીમેલ સિંગર પરિવારમાં સામેલ થઈ જશે.