ફેમસ સિંગ નેહા કક્કર ડિપ્રેશનમાં છે. આવું અમે નથી કહેતા નેહાએ પોતે સ્વીકાર્યુ છે. બોલિવૂડ સિંગરે પોતાના ઑફિશ્યલ સોશ્યલ મીડિયા એકાઉન્ટ પર સ્ટોરી શૅર કરતા લખ્યુ છે કે ‘Yes I am in Depression’. થોડા દિવસ પહેલા જ નેહા કક્કરે પોતાના એક્ટર બોયફ્રેન્ડ હિમાંશ કોહલી સાથે બ્રેકઅપ થયુ છે. નેહાએ બ્રેકઅપ પછી તમામ બાબતોને ભૂલીને પોતાનુ મન કામમાં પરોવ્યુ છે. નેહાની તમામ ઇન્સ્ટાગ્રામ પોસ્ટ જોઇને સરળતાથી કહી શકાય કે નેહાએ બ્રેકઅપ પછી ફૂલ ફોકસ કામમાં આપ્યુ છે. પરંતુ હવે નેહાએ ચોંકાવનારી ઇન્સ્ટાગ્રામ સ્ટોરી પોસ્ટ કરી છે.
નેહાએ ઇન્સ્ટાગ્રામ પર લખ્યુ છે કે “હા હું ડિપ્રેશનમાં છું. દુનિયાના દરેક નેગેટિવ લોકોનો આભાર. તમે તમામ મને જિંદગીના સૌથી ખરાબ સમયમાંથી પસાર કરવામાં સફળ રહ્યા. હું એક બાબત સ્પષ્ટ કરવા માંગુ છુ કે આવુ એક કે બે વ્યકિતના કરાણે નહીં પણ એ દુનિયાના કારણે છે જે મને મારી પર્સનલ લાઇફ જીવવા નથી દેતા.'' આ રીતે નેહાએ તેની પર્સનલ લાઇફમાં દખલ દેતા લોકોની ઝાટકણી કરી છે. નેહાએ ઇન્સ્ટાગ્રામ પર પોતાના આવનારા શોની માહિતી આપી છે.
આ પહેલી વખત નથી જ્યારે સોશ્યલ મીડિયાની મદદથી નેહાએ પોતાનું દુખ વ્યકત કર્યુ હોય. બોયફ્રેન્ડ સાથે બ્રેકઅપ પછી એક ઇમોશનલ પોસ્ટ કરતા નેહાએ લખ્યુ હતુ કે ''મને ખ્યાલ નથી કે આ દુનિયામાં આટલા ખરાબ લોકો પણ રહે છે. બધું જ ગુમાવ્યા બાદ હવે હોશમાં આવ્યા તો પણ શું. મને ખ્યાલ છે કે હું એક સેલિબ્રિટી છું અને હું આવું લખું તેવી આશા કોઈને નહીં હોય પરંતુ આખરે હું એક માણસ છું. આજે હું વધુ પડતી ભાંગી પડી છું અને તેથી જ મારી લાગણીઓને કંટ્રોલ કરી શકું એમ નથી. મને ખ્યાલ છે કે હવે તમામ લોકો વાત કરશે અને મને આ જ વાત પર જજ કરશે. ખબર નહીં લોકો શું બોલશે. કેટલાંક લોકો તો એવી વાતો પણ કરશે જે મેં ક્યારેય કરી જ નથી પરંતુ મને આની આદત પડી ગઈ છે. બધું સાંભળવાની અને હવે સહન કરવાની. મને ખ્યાલ છે કે સેલિબ્રિટિઝના 2 ચહેરાઓ હોય છે. એક પર્સનલ તથા એક પ્રોફેશનલ. પર્સનલ લાઈફ ભલે ગમે તેટલી ખરાબ ચાલતી હોય પરંતુ પ્રોફેશનલ લાઈફમાં હંમેશા હસતા રહેવું પડે છે.''
ઉલ્લેખનીય છે કે હિંમાશે 'યારિયા'થી બોલિવૂડ ડેબ્યૂ કર્યું હતું. આમાં નેહાએ 'સની સની' સોંગ ગાયું હતું. બંનેની મિત્રતા આ જ ફિલ્મના સેટ પરથી થઈ હતી.