બેદરકારી / CCTV ફૂટેજ: સીધા ગટરમાં પડીને જુઓ 'તંત્રનો વિકાસ', વલસાડમાં યુવક સાથે બની ચોંકાવનારી ઘટના

• વલસાડ નગરપાલિકાની બેદરકારી સામે આવી
• ગટરના ઢાંકણ બરાબર ન લગાવતા યુવક ગટરમાં ખાબક્યો
• નાની ખત્રીવાડ વિસ્તારમાં યુવક ગટરમાં ખાબક્યો

વલસાડ નગરપાલિકાની ઘોર બેદરકારી સામે આવી આવી છે. ગટરના ઢાંકણ બરાબર ન લગાવતા યુવક ગટરમાં ખાબક્યો છે. નાની ખત્રીવાડ વિસ્તારમાં યુવક ગટરમાં ખાબક્યો છે જે સમગ્ર ઘટનાના CCTV સામે આવ્યાં છે.

વલસાડ નગરપાલિકાની બેદરકારી
વલસાડ પાલિકાની બેદરકારી સામે આવી છે, નાની ખત્રીવાડા વિસ્તારમાં એક યુવક ગટરમાં ખાબકી ગયો હતો. ગટરના ઢાંકણ બરાબરા ન લગાવામાં આવતા સમગ્ર ઘટના સર્જાઈ હતી. જેને લઈ લોકોએ પાલિકા પ્રત્યે રોષ પણ ઠાલવ્યો છે. પાલિકાની બેદરકારીને લઈ અનેક સવાલો પણ ઉઠી રહ્યાં છે. રાજ્યમાં ગટરના ટાંકણાને લઈ અવાર-નવાર દુર્ઘટના સર્જાય છે પરંતુ જેને લઈ કોઈ નક્કર પગલા ન ભરાતા હોવાના લોકોએ આક્ષેપ પણ કર્યો છે.

બેદરકારીને લઈ સળગતા સવાલ
વલસાડ નગરપાલિકા યોગ્ય રીતે કામગીરી કેમ નથી કરતું?
નગરપાલિકાએ ગટરનું ઢાંકણ ખુલ્લું કેમ રાખ્યું?
ક્યા અધિકારીની બેદરકારીથી ઢાંકણ ખુલ્લું રહ્યું?
જવાબદાર અધિકારી વિરુદ્ધ કાર્યવાહી થશે?
નગરપાલિકાના અધિકારીઓ લોકોના જીવ સાથે ચેડા કેમ કરે છે?