બેદરકાર ન બનો / ભાવનગરમાં કોરોનાની ત્રીજી લહેરને ખુલ્લેઆમ આમંત્રણ, બોરતળાવના મુલાકાતીઓની માસ્કને લઈ બેદરકારી

• ભાવનગરમાં કોરોનાની ત્રીજી લહેરને ખુલ્લેઆમ આમંત્રણ
• બોરતળાવનું 5 દિવસ માટે ડેકોરેશન રાખવામાં આવ્યું છે
• સૌની યોજનાના ફેઈઝ-2 અંતર્ગત પાણી ભરાયું

ભાવનગરમાં કોરોનાની ત્રીજી લહેરને લોકો ખુલ્લેઆમ આમંત્રણ આપતા જોઇ શકાય છે. ભાવનગરમાં શનિવારે સરકારે સૌની યોજનાના ફેઈઝ-2માં બોરતળાવ ખાતે સૌની હેઠળ પાણી ભરવામાં આવ્યું હતું. બોરતળાવને ડેકોરેશન કરવામાં આવ્યું છે. આ ડેકોરેશન 5 દિવસ માટે રાખવામાં આવ્યું છે. ત્યારે રવિવારે સાંજે બોરતળાવ ખાતે લોકોની ભીડ ઉમટી હતી. લોકો જાણે કોરોનાનો ખોફ ભૂલી ગયા હોય એ રીતે માસ્ક અને સામાજિક અંતર વગર બિન્દાસ્ત ઘૂમી રહ્યાં હતાં.